Baikoko pilotariak, mobilizazioak egiteko prest enpresak jarrera aldatzen ez badu
Baikoko pilotari gehienak Tolosan bildu dira astearte honetan, enpresari jarrera aldaketa eskatzen dion dokumentu bat sinatzeko. Gainera, mobilizazioak iragarri dituzte enpresak jarrera aldatzen ez badu. Ez daude ados Baikok azken asteetan hartu dituen erabakiekin.
Dokumentua Baiko enpresako pilotari gehienek sinatu dute, baina Aimar Olaizola, Ander Imaz, Mikel Urrutikoetxea eta Mikel Larunbe pilotarien sinadura ez da azaltzen.
Enpresari eskatzen dizkioten gauzen artean, azken asteetan hartutako erabakiak birplanteatzeko eskaera dago. Haserre daude, besteak beste, Victorren eta Eskirozen kontratuak ez berritzeagatik. Erabakiak egoera ekonomikoak behartuta hartu direla argudiatzen du enpresak, baina pilotarien ustez, argudio horiek ez dira nahikoa.
"Duela asko pilotariok ez gaude pozik enpresak gurekiko azaldutako jarrerengatik. Gainera, jarrera horiek zuzendu beharrekoan, areagotu egin dira azken hilabeteetan. Horrek guztiak ekarri gaitu honaino, eta gure egoeraren berri ematera bultzatu gaitu, orain arte ezkutatuta egon den arren", esaten du oharraren hasierak.
Baikoko pilotariek, honako hau gaineratzen dute: "Dena hasten da Asegarce 'desagertzen' denean. 2018ko abenduaren 28an e-mail baten bidez jakinarazi ziguten 26 urteren ostean, enpresak etapa berri bati ekingo ziola. Enpresa BaikoTaldea izenaren barruan integratuta geratuko zela azaldu ziguten, eta Bainet Sport eta Custom Sport ere talde honen barruan sartuta egongo zirela. Enpresa batek izena edota kudeatzaileak aldatzen dituenean, edo dena delakoa aldatzen duenean, lehendabizi langileei informatu behar zaiela uste dugu. Pilotarioi ez ziguten ezer azaldu. Izena aldatu eta Jose Ramon Garai zuzendari nagusiaren karguan jarri zenean aldatu zen funtzionamendua, eta pilotariok orain arte bizi ez ditugun egoerak bizitzen hasi ginen".
Jose Ramon Garairi kritikak
Komunikatuan, Baikoko zuzendari nagusia den Jose Ramon Garairen jarrera kritikatzen dute: "Kontratuak berritzeko orduan, Jose Ramon Gararirekin hitz egitea oso zaila da, gureganako tratua errespetu gabekoa baita. Batzuk, negoziazioetara aholkulari gaitua eramatearen alde egin dute, baina enpresak beti uko egin dio aholkulari horiek hartzeari eta haiekin hitz egiteari. Zergatik ezin gaitu lege-aholkulari ordezkatu? Zeri dio beldurra enpresak?".
Errepidean ematen dituzten orduak eta kilometroak ez dizkietela ordaintzen salatu dute sinatzaileek, nahiz eta aurrez ordainduko zirela adostuta zegoen. Bestalde, Baikok aldi baterako lan erregulazioa nola kudeatu duen kritikatu dute, eta, pilotarien aburuz, azken asteetan hartu diren erabakiak "mendekuak izan dira enpresaren aldetik, aldi baterakolan erregulaziotik irteteko negozioetan gertatu zenagatik".
Mobilizazioak iragarri dituzte
Enpresak jarrera aldatzen ez badu, mobilizazioak iragarri dituzte pilotariek: "Gure eskaerek erantzunik ez badute eta gureganako jokabideek txarrak izaten jarraitzen badute, neurri gogorragoak hartzera behartuta egongo gara, eta mobilizazioak iritsi daitezke. Elkarte bat sortuko dugu gaur egungo eta etorkizunean etorriko diren pilotarien interesak defendatzeko".
Zure interesekoa izan daiteke
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Zabala eta Iztueta, CaixaBank Masterseko finalerdietara (15-22)
Zabalak eta Iztuetak 4. puntua eskuratu dute Artola eta Rezusta garaituta, eta, beraz, CaixaBank Masterseko finalerdietarako sailkatu dira.
Minutuko isilunea egin dute hildako gaztearen omenez Lekeitioko pilotalekuan
Pilotalekuan partida jokatzen ari zenean jakin dute antzarretan mutil bat zendu dela, eta orduan jakinarazi diete harmailetan zeuden zaleei. Lehen atsedenaldi luzean, minutuko isilunea egin dute, hildakoaren omenez.
Imazek, ondoezik, ezin izan du partida amaitu; Ezkurdiak eta Albisuk lortu dute garaipena (22-14)
Lekeition jokatu den CaixanBank Masterseko neurketa bertan behera gelditu da, Ezkurdia eta Albisu Altuna eta Imaz 18-14 menderatzen ari zirenean Oiartzungo atzelaria ondoezik sentitu baita. Ezkurdiak eta Albisuk bigarren puntua batu dute horrela, eta sailkatzeko aukerak izaten jarraitzen dute. Altuna eta Imaz, berriz, sailkatzeko aukerarik gabe gelditu dira, garaipen bakarra lortu baitute.
Elordi eta Mariezkurrena CaixaBank Masterseko finalaurrekoan izango dira, Laso eta Martija aise garaituta (22-10)
Aitor Elordi eta Jon Mariezkurrena 22-10 gailendu dira Unai Laso eta Julen Martijaren aurka Lekeitioko pilotalekuan jokatu duten partidan, eta, ondorioz, CaixaBank Masterseko finalerdietarako sailkatu dira. Gorriak jaun eta jabe izan dira.
Atzeratu egin da Pilota Pro Ligaren lehiaketa formatu berria
Proiektuaren konplexutasuna dela eta atzeratu egingo da lehiaketa sistema berriaren ezarpena.
Muruak Asperekin berritu du beste lau urtez
Arrasateko aurrelariak 2030era arte berritu du kontratua “onena ematea eta ahalik eta txapelketa gehien jokatzea” helburu dituela.
Dario gorriz etxekoen aurrean eta Altuna aurrekanporaketan, San Mateo torneoan
Sanmateoetako pilota torneoa aurkeztu dute gaur Logroñon. Irailaren 18tik 27ra bitarte jokatuko da. Atarikoetan, A Multzoan Jaka-Mariezkurrena, Zabala-Rezusta eta Artola-Albisu Larrazabal-Iztueta arituko dira. B multzoan, Laso-Landa, Dario-Zabaleta, Ezkurdia-Martija eta Altuna-Bikuña.
Hirugarren puntua, Artola eta Rezustarentzat (22-20)
Artolak eta Rezustak 22-20 garaitu dituzte Larrazabal eta Zabaleta, eta hirugarren puntua eskuratu dute CaixaBank Mastersen.
Dariok astebete aurreratu du berragerpena
Buruz buruko txapelduna irailaren 6an itzuliko da kantxetara, Beloradon, uztailaren 1etik lehiaketatik at izan duen belauneko lesioa gainditu ondoren.