San Fermin: Partida ikusgarria Labriten

San Fermin torneoko partidarik erakargarriena, astelehen honetan Labriten. Finalerako bigarren txartela jokoan dela Irujo eta Beroiz Titin eta Barriolaren aurka neurtuko dita. Eta bitxia bada ere, bi bikote hauek ez dira inoiz elkarren aurka neurtu.

Beste datu bat. Irujo eta Titin elkarren aurka lau aldiz neurtu dira Labriten. Aurrenekoa Irujok irabazi zuen baina azken hiruretan Titin izan da nagusi.

Gaurko partida irabazten duenak asteazkeneko finala Bengoetxea VI eta Patxi Ruizen aurka jokatuko du. Bihar ardoaren erronka jokatuko da. Aritz Lasa eta Zubieta Pablo Berasaluze eta Apraizen aurka neurtuko dira.