Paul de la Cuesta eta Lucas Eguibar, Neguko Olinpiar Jokoetara
Hilabete baino ez da falta Sochin (Errusian), otsailaren 7a eta 23a artean Neguko Olinpiar Jokoak ospatzeko eta euskal ordezkaritzak hiru kirolari sailkatuta ditu jada bertan lehiatzeko (horietako bat lesio batetik noiz sendatuko den zain). Beste bik berriz lehian izango dute sailkapena urtarrilean zehar izango dituzten txapelketetan. Bost kirolari gipuzkoar dira guztira: Paul De la Cuesta eskiatzailea eta Lucas Eguibar boarderra (txartela lortu dute dagoeneko); Jon Santacana eskiatzaile paralinpiarra, orpazurda hautsi eta gero errekuperazio lanetan ari dena, eta Joseba eta Imanol Rojo anaiak, iraupen eskian sailkatzeko dituzten aukerak urtarrilean zehar argituko dituztenak.
Paul De la Cuestak (Donostia, 1988/11/28) 2014ko Jokoetarako sailkapena lortu du jada eta bertan honako proba hauetan parte hartu dezake; Jeitsiera (2/9), Super Konbinatua (2/14), Super Erraldoia (2/16) eta Erraldoia (2/19). 2010ean Vancouverreko Neguko Olinpiar Jokoetan hartu zuen parte donostiarrak eta 32. Amaitu zuen Eslalomean, 35. Super Erraldoian eta 51. Jeitsieran. Azken urtean, 2013ko Munduko txapelketan inoizko emaitzarik onenak lortu zituen Austriako Schaldming eski estazioan, 18. amaitu zuen Super Konbinatuan, 33. Jeitsieran eta 37. Super Erraldoian.
Lucas Eguibarrrek (Donostia, 1994/02/09) ere Sochirako sailkapena lortu du jada eta bertan SBX (Snowboardcross) proban hartuko du parte lehen aldiz. 2012-2013. denboraldia izan zuen aurrenekoa senior mailan eta emaitza nabarmenak lortuz gainera (6. izan zen Sierra Nevadan eta 3. Suitzako Arosan). 2012an Munduko junior txapelduna izendatu zen Erzurumen (Turkia) eta bere kirol-ibilbidean zenbait garaipen ere lortu ditu Europa Cup txapelketan. Hurrengo egunetan, urtarrilaren 9tik 12ra bitartean, Vallnordeko Munduko Kopan arituko da Andorran, Jokoen aurretik egingo den goi mailako azken lehiaketariko baten parte hartuz.
Jon Santacana (Donostia, 1980/11/1) iragan irailean Australian entrenatzen ari zela Akilesen tendoia hautsi eta gero, errekuperazio lanetan ari da gaur egun. Sendatu ezkero Sochiko 2014ko Paralinpiar Jokoetan lehiatuko litzateke bere laugarren parte hartzean, Salt Lake City (2002), Turin (2006) eta Vancouverren (2010) egon eta gero. Guztira 6 domina lortu ditu eskiatzaile paralinpiarrak, hiru 2002an eta beste hiru 2010ean. Bere kirol-lorpenen artean urrezko, zilarrezko eta brontzezko dominak pilatu ditu era berean Munduko Kopatan, Munduko txapelketetan eta Europakoetan. B2 mailako ikusmen-urritasuna du Jonek eta 2012-2013 denboraldia bere ibilbideko oparoenetarikoa izan du Miguel Galindo bere gidarekin batera. Elkarrekin urrezko hiru domina eskuratu zituzten Munduko Txapelketan, eta horrez gain, Munduko Kopako eta Europako Kopako sailkapen orokorra. Sochiko Joko Paralinpiarretako probak martxoaren 8tik 15era artean ospatuko dira.
Bien bitartean Joseba eta Imanol Rojo anai tolosarrek lehian jarraitzen dute, Javier Gutierrez kantabriarrarekin batera. Iraupen eskiko proban parte hartzeko txartela dute jokoan. Estatuko eskiatzaileek hurrengo probetan lortzen dituzten emaitzen arabera erabakiko da guztia urtarrilaren amaierarako.
Zure interesekoa izan daiteke
Janire Gonzalez-Etxabarri eta Adur Amatriain surflariak, Europako txapeldun
Zumaiarra eta zarauztarra nagusitu dira Taghazout-en, eta goi-goian amaitu dute denboraldia.
Mullaghmoren sekula arraunean hartu den olaturik pisutsuena hartu du Natxo Gonzalezek
“Nire biziko olatua da”, esan du surflari bizkaitarrak, lortu ostean.
Jon Rahm, bigarren Hegoafrikan Bryson DeChambeauren aurka berdinketa hausteko zuloan galduta
Barrikako golflariak estatubatuarrarekin berdinduta bukatu du, baina play-offean galdu du, aurkariak baino kolpe bat gehiago behar izan baitu.
DeChambeau liderrarengandik hiru kolpera jarraitzen du Rahmek Hegoafrikan
Barrikako golflariak LIV txapelketako podiumerako lehian segitzen du Hegoafrikan, hirugarren jardunaldia amaituta.
Rahm laugarren da Hegoafrikan bigarren jardunaldia jokatu ondoren
Bizkaitarrak 66 kolpeko txartelarekin itxi du jardunaldia, eta parretik behera 11 kolperekin dago sailkapen nagusian.
Rahmek sendo ekin dio Hegoafrikan, eta lehen postutik gertu jarri da
Parretik behera 6 kolpeko txartel bikaina sinatu du Jon Rahmek Hegoafrikako LIV Golf txapelketaren lehen jardunaldian, Bryson DeChambeau eta Charles Howell III.ak partekatzen duten lehen postutik bi kolpera.
Higinio Riverok hogeigarren amaitu du 20 kilometroko proba
Rivero 59:49ko denbora eginda helmugaratu da, Golubkovek, Maok eta Romelek lortutako dominetatik urrun.
Alvaro Romero, zortzigarren Munduko Boardercross Kopan
Gipuzkoarrak zortzigarren amaitu du Munduko Boardercrosseko Kopako proba. Jakob Duse austriarra izan da garailea.
Oier Ibarretxek garaipenarekin debutatu du
Oier Ibarretxe boxeolariak garaipenarekin debutatu du profesionaletan, Marouane Nmili puntuetara garaituz. Borroka parekatua izan da, baina Galdakaokoaren ezkerkada indartsuek garaipena eman diote
Jokin Garciak Europako Zilarrezko Txapelketa bereganatu du Gianluca Ceglia garaituta
Jokin Garcia boxeolari bilbotarra Europako Zilarrezko txapelduna da Gianluca Ceglia puntuetara garaitu ostean. Italiarra beteranoa izan arren, Jokinek hasieratik agindu du eta, begi azpian zauri txiki bat jasan arren, garaipenarekin atera da.