Paulo Azpiazuk harria jasotzeari utziko dio "gogo faltagatik" eta bizkarreko lesio baten ostean
Bergaran jaio, baina zazpi urte zituenetik Estellerrian bizi den harri-jasotzaileak aitortu duenez, "ez daramat harria odolean, horretan soilik % 100ean aritzeko". "Neureari gehiago denbora eskaini nahi diot", erantsi du.
Paulo Azpiazu harri-jasotzaileak iragarri du harria jasotzeari utziko diola "gogo faltagatik". Fitness irakasleak azaldu duenez, "asko kostatu zaio pauso hori ematea".
Era berean, Azpiazuk bere lesioaz hitz egin du sare sozialetan argitaratutako bideo batean. Duela bi hilabete, "urte osoan egindako gehiegizko esfortzuaren ondorioz", harri kubikoarekin egindako entrenamendu batean min hartu zuen gerrialdean. Masajistarekin hobera egiten ez zuela ikusita, erresonantzia bat egitea erabaki zutela zehaztu du. Emaitzak asteartean ezagutu zituzten. Azpiazuk bi protrusio ditu, eta mina eragiten diote.
Bergaran jaio, baina zazpi urte zituenetik Estellerrian bizi den harri-jasotzaileak aitortu duenez, "ez daramat harria odolean, horretan soilik % 100ean aritzeko".
Bestalde, Azpiazuk esan du ezin zuela imajinatu azken urteetan harrian lortu duen guztia, "oso pozik nago lortutakoarekin". "Inoiz ez nuke pentsatuko txapelik irabaziko nuenik edo Igeldon, Iraetan... egin ditudanak bezalako markak lortuko nituenik", gaineratu du. "Neureari denbora gehiago eskaini nahi diot", gaineratu du.
2021ean Izeta II.aren harri-jasotze eskolan hasi zen harria altxatzen eta 2022tik aurrera emaitza bikainak lortu ditu, aipagarriena 2022an lorturiko Euskal Herriko Harri Txikien Txapelketako bigarren postua delarik. Igeldoko harriarekin ere bigarren egin zuen urte hartan berean.
2023ko urtarrilean Iraetako Errota Harria lehiaketa irabazi zuen altxaldien errekorra erdietsita eta otsailean Urrezko Harri-Jasotze Txapelketa irabazi zuen nagusitasun handiz. Zarauzko Bi Harrien txapelketan Mikel Lopetegi Urra-rekin berdinduta gelditu zen eta pisu-aldearen ondorioz txapeldunorde suertatu zen txapeldunordea. 2024an goia jo zuen, Euskal Herriko Harri Txikien Txapelketa irabazi zuenean.
Zure interesekoa izan daiteke
Maddi Gesalaga eta Mikel Lopetegi "Urra", nagusi "Harri Herri" saioko neguko finalean
Bi harri-jasotzaile zarauztarrak gailendu dira Aian jokatutako "Harri Herri" saioaren neguko finalean. Biak oso pozik geratu dira emaitzarekin, baita urtea txapela jantzita hastearekin ere.
Gari Gamendia: "Lehen txapel handia eskuratu dut baina gozatu gabe"
Gari Garmendiak lehen txapela eskuratu berri du, Harri Handien Euskal Herriko Txapelketan. Gozatu gabeko lehen txapel handia izan da Garmendiak adierazi duenez.
Gari Garmendia, Harri Handien Euskal Herriko txapeldun
Harri-jasotzaile idiazabaldarrak bere lehen txapela lortu du, guztira 7.100 kilo altxatuta. "Azkenengo astean oso gaizki pasa dut mentalki", azaldu du txapeldun berriak. "Fisikoki oso ongi etorri naiz prestatuta, baina azkenengo astean dena erori zait, ez dakit zer gertatu zaidan, gaur ez dut batere gozatu", erantsi du.
Estefania Etxebestek bi aldiz altxatu du 150 kiloko harria
"Azkeneko bi asteak oso luzeak egin zaizkit", aitortu du Iturengo harri-jasotzaileak balentria lortu ondoren. "Oso gaizki pasatu dut etxean, buruari bueltaka; azkenaurreko entrenamenduan hiru saiakera egin eta batean ere ez nuen altxatu", azpimarratu du.
Jokin Eizmendik eta Lierni Osak "Harri Herri"ko finalerako urratsa eman dute
Neguko "Harri Herri" saioko bigarren jardunaldian, Jokin Eizmendik Xabat Olaizolaren marka berdindu du. Beñat Telleriak eta Gorka Etxeberriak 9na jaso dute, eta sailkapenean hirugarren eta laugarren jarri dira. Emakumezkoetan Lierni Osak egin du markarik onena, 13 jasoaldi, Maddi Gesalagak baino bat gutxiago. Bestalde, Ane Atxutegi (9) eta Ane Cestau (8) nekez sartuko dira zortzi onenen artean.
Azpiazu: "Asko kostatu zait harria uzteko erabakia hartzea"
Paulo Azpiazuk harri-jasotzea uztea erabaki berri du, lesioak eta bere bizitzako beste eginbehar batzuk tarteko. Harria alde batera uztearen arrazoiez eta bere ibilbideaz jardun gara berarekin.