Jai-giro ederra prestatu du Realak Sevillan: musika eta kalejira Cartujaraino
Zaleentzako gune txuri-urdina Sevillako Carlos III.a etorbidean egongo da, eta 11:00etan irekiko dute. Hainbat DJ eta artista izango dira oholtza gainean, besteak beste, Süne, Brigade Loco eta Del Toro.
Realaren zaleentzako gunearen aurkezpena. Argazkia: EFE
Süne, Brigade Loco eta Del Toro izango dira, besteak beste, realzaleentzako guneko oholtzan. Musika proposamen zabala prestatu du Realak datorren larunbaterako Sevillan antolatutako fan zonean. Gainera, bertatik kalejira jendetsua abiatuko da 18:30ean, Cartuja futbol-zelaira bidean.
Talde donostiarrak gaur eman ditu jakitera Sevillara joandako zale txuri-urdinentzat prestatutako eremuaren gaineko xehetasun guztiak, Atletico Madrilen aurka jokatuko duten Errege Kopako finalari begira.
Realzaleentzako gunea Carlos III.a etorbidean egongo da, 11:00etan irekiko dute, eta finala amaitu eta ordubetera itxi, pantaila erraldoi batean norgehiagoka zuzenean eman ondoren.
Bestalde, Cartujako ateak 18:00etan zabalduko dira, neurketa hasi baino hiru ordu lehenago, eta kalejira egingo da zaleentzako gunetik futbol-zelairaino.
Klubak "pazientzia" eskatu du Cartujan sartzeko, futbol-zelaiaren inguruan bazkide ugari elkartuko baitira. Behin barruan, eta epaileak hasierako txistua jo aurretik, mosaiko bat egingo da jokalari txuri-urdinak animatzeko.
Jarraitzaileentzako eremuari dagokionez, musika egitarau zabala izango da, eta Süne, Brigade Loco era Dj alex del Toro oholtzan izango dira.
Finalaren ondoren, 40 Principalesko Dj Aitor Garciak jarriko du erritmoa ordubetez garaipena ospatzeko ala azken txistuaren ondoren disgustua igarotzeko.
Zure interesekoa izan daiteke
Javier Alberola izanen da Errege Kopako finalaren epailea, larunbat honetan
Jorge Figueroa egonen da VARean. Alberola 2017-2018 denboralditik da Lehen Mailako epailea, eta 2022tik internazionala da.
Lopez Ufarte: “Reala oso ondo dago; final hau irabaz dezake”
Roberto López Ufarte, Realeko jokalari ohia, 87ko kopako garaipenaren protagonistetako bat da, baita Atleticoren zein Realaren elastikoa jantzi duen jokalaria ere. Berarekin egon gara garaipen hura gogoratzen eta datorren larunbateko Errege Kopako finalari buruz duen ikuspuntua ezagutzen. (Bideoa gazteleraz)
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.