Real Madrilek amaiera eman dio Realaren bolada onari (4-1)
Oyarzabalek, penaltiz, Gonzaloren gola berdindu duen arren, Viniciusen bi golek (biak penaltiz) eta Valverderen beste batek garaipena eman diote Madrilgo taldeari, txuri-urdinen bolada onari amaiera emanez.
Vinicius, gola egiteko ahaleginean. Argazkia: EFE
Realak urteko lehen porrota jaso du larunbatean Real Madrilen aurka 4-1 galduta Santiago Bernabeun jokatu den EA Sports Ligako 24. jardunaldiko partidan. Oyarzabalek, penaltiz, Gonzaloren gola berdindu duen arren, Viniciusen bi golek (biak penaltiz) eta Valverderen beste batek garaipena eman diote Madrilgo taldeari, txuri-urdinen bolada onari amaiera emanez.
Ez dira ondo hasi txuri-urdinak; izan ere, 5. minuturako gola jaso dute jada. Etxeko taldeak baloiaren jabetza zuela, erdiraketa egin dute eskuin hegaletik, eta Gonzalok oinaren puntarekin ukitu du baloia. Ez da jaurtiketa indartsua izan, baina zutoinera itsatsita irten zaio, eta Remiro ez da gelditzeko gai izan (1-0).
Realari kosta egin zaio arriskua sortzea, baina 20. minutuan Huijsenek lurrera bota du Yangel Herrera area barruan, eta epaileak penaltia adierazi du. Oyarzabalek sarera bidali du baloia (1-1).
Baina gutxi iraun die pozak txuri-urdinei. Minutu gutxira, epaileak Real Madrilen aldeko penaltia adierazi du Vinicius lurrera erori ostean, eta Viniciusek berak egin du 2-1ekoa.
Hori gutxi ez, eta ordu erdira, Valverdek etxekoen hirugarren gola sartu du, area kanpotik jaurtiketa bikaina eginez (3-1).
Bigarren zatia hasi bezain laster, aurreko jokaldia errepikatu da. Aramburuk lurrera bota du Vinicius, eta epaileak penaltia adierazi du berriz. Viniciusek jaurti du, eta 4-1ekoa jarri du markagailuan.
Hala ere, euskal taldeak aurpegia eman du, eta intentsitatez jokatzen jarraitu du. Guedes barneraldiekin saiatu da min egiten, eta Jon Martinek ere gertu izan du gola pare bat burukadarekin.
Bigarren zatian, azken partidetan ikusi den Reala agertu den arren, beranduegi izan da. Horrela bukatu da txuri-urdinen bolada ona.
Zure interesekoa izan daiteke
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.
EITBk Errege Kopan egingo duen jarraipena aurkeztu du Anoetan
Astearte honetan, martxoaren 31n, aurkeztu da EITBk Errege Kopan egingo duen jarraipen zabala, Donostiako Anoeta estadioan egindako ekitaldian. 30 profesionalek Sevillara bidaiatuko dute ETBn, ETB ON plataforman, kirolakeitb.eus webgunean, Euskadi Irratian eta Radio Euskadin askotariko edukiak eskaintzeko.
Kopako finaleko emozio guztia gerturatuko digu EITBk: Atletico Madril-Reala partida zuzenean eman eta programazio zabala izango du
Sevillako Cartujan jokatuko den norgehiagoka zuzenean jarraitu ahal izango da ETB1en, ETB ON plataforman eta kirolakeitb.eus atarian, baita Euskadi Irratian eta Radio Euskadin ere. Koparen bila lelopean, EITBk programazio eskaintza berezia prestatu du apirilaren 18ko finalera begira.
Realzaleek Alderdi Ederreko pantaila handi-handian ikusi ahalko dute Errege Kopako finala
Donostiako Udalak eta talde txuri-urdinak jarriko dute pantailatzarra. Koparen finala apirilaren 18an, larunbatean, 21:00etan izanen da, eta Realak titulua bilatuko du Atletico Madrilen aurka, 1987ko finalean garaitu zuena.
Almeria Sanse baino askoz gehiago izan da (5-1)
Hiru gol jaso ondoren, Carreraren golak itxaropena eman die txuri-urdinei, baina aurkariak hobeto kudeatu du bigarren zatia.
Realak puntu bat atera du Logroñoren aurka (1-1)
Realak 1-1 egin du Logroñoren aurka F Moeve Ligako 24. jardunaldian. Errioxako taldeak sartu ditu bi golak Zubietan jokatutako partidan: Rebecak bere atean eta Asenjok azken minutuetan.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Intza Egiguren: “Erregulartasuna denboraldi amaierara arte mantentzea espero dugu"
Halaber, goi postuetan lehiatzen jarraitzeko “denboraldia amaitu arte erregulartasuna mantendu” nahi dutela azpimarratu du.
Imanol Agirretxe: “Aurrekoan, finala gure zaleen aurrean jokatzeko arantza geratu zitzaigun"
Aurten, berriz, realzaleek bertatik bertara ikusi ahal izango dute Atletico Madrilen aurkako finala, apirilaren 18an, Cartujako zelaian. Garaipena lortuz gero ere, ospakizunek bestelako zapore bat izango dute, bai Sevillan, bai Donostian.