Matarazzoren Realak geldiezin jarraitzen du (3-1)
Elx Sucic, Oyarzabal eta Oskarssonen golei esker menderatuta, txuri-urdinek porrotik gabe jarraitzen dute entrenatzaile berria etorri zenetik.
Realeko jokalariak, gol bat ospatzen. Argazkia: EFE
Realak 3-1 menderatu du Elx larunbat honetan Anoetan jokatu duten EA Sports Ligako 23. jardunaldiko partidan. Sucic, Oyarzabal eta Oskarssonen golei esker, txuri-urdinek galdu gabe jarraitzen dute entrenatzaile berria etorri zenetik.
Partida motel hasi da, inork arrisku handiegirik hartu nahi ez zuelarik, eta zati handi batean kanpoko taldea izan da nagusi jokoan. Hala, bisitariena izan da partidako lehen aukera argia, Da Silvaren eskutik, baina Remirok geldiketa bikaina egin du.
24. minutuan iritsi da txuri-urdinen erantzuna. Kontraeraso azkar batean, Elxen areara heldu dira, eta Sucicek, lehen jaurtiketan asmatu ez badu ere, bigarrenean ondo kokatu du baloia, markagailua irekitzeko (1-0). Tamalez, ia jarraian zelaia utzi behar izan du, min hartuta.
Lehen ordu erdia igarota, Oyarzabal oso adi egon da Netok atezainari emandako pase kaskar bat lapurtzeko, eta atea hutsik zuelarik, 2-0ekoa sartu du.
Atsedenaldira abantaila onarekin joango zirela zirudienean, Da Silvak kontraeraso bat aprobetxatu du gola sartu eta abantaila murrizteko. Zelaian ikusten ari zena kontuan izanda, merezitako gola izan da (2-1).
Aldageletatik bueltan, Elx bigarrena egiteko zorian egon da, baina Remiro erraldoi bilakatu da berriro jaurtiketa oztopatzeko. Ondoren, Pablo Marinek Realaren hirugarren gola sartu du, baina epaileak baliorik gabe utzi du, jokoz kanpokoa adierazita.
Reala jokoan agintzen ari zen ordurako, eta erasora jo du etengabe. Hala, Oyarzabalek gertu izan du bere bigarren gola, baina gora joan zaio. Horrez gain, Ochiengek debuta egin du lehen taldearekin.
Gol aukerak ugariak izan dira, baina Oskarssonek sartu du taldeari garaipen argia eman dion 3-1ekoa.
Matarazzoren agindupean, galdu gabe jarraitzen du Realak, eta Europako postuetatik gertuago dago.
Zure interesekoa izan daiteke
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.
EITBk Errege Kopan egingo duen jarraipena aurkeztu du Anoetan
Astearte honetan, martxoaren 31n, aurkeztu da EITBk Errege Kopan egingo duen jarraipen zabala, Donostiako Anoeta estadioan egindako ekitaldian. 30 profesionalek Sevillara bidaiatuko dute ETBn, ETB ON plataforman, kirolakeitb.eus webgunean, Euskadi Irratian eta Radio Euskadin askotariko edukiak eskaintzeko.
Kopako finaleko emozio guztia gerturatuko digu EITBk: Atletico Madril-Reala partida zuzenean eman eta programazio zabala izango du
Sevillako Cartujan jokatuko den norgehiagoka zuzenean jarraitu ahal izango da ETB1en, ETB ON plataforman eta kirolakeitb.eus atarian, baita Euskadi Irratian eta Radio Euskadin ere. Koparen bila lelopean, EITBk programazio eskaintza berezia prestatu du apirilaren 18ko finalera begira.
Realzaleek Alderdi Ederreko pantaila handi-handian ikusi ahalko dute Errege Kopako finala
Donostiako Udalak eta talde txuri-urdinak jarriko dute pantailatzarra. Koparen finala apirilaren 18an, larunbatean, 21:00etan izanen da, eta Realak titulua bilatuko du Atletico Madrilen aurka, 1987ko finalean garaitu zuena.
Almeria Sanse baino askoz gehiago izan da (5-1)
Hiru gol jaso ondoren, Carreraren golak itxaropena eman die txuri-urdinei, baina aurkariak hobeto kudeatu du bigarren zatia.
Realak puntu bat atera du Logroñoren aurka (1-1)
Realak 1-1 egin du Logroñoren aurka F Moeve Ligako 24. jardunaldian. Errioxako taldeak sartu ditu bi golak Zubietan jokatutako partidan: Rebecak bere atean eta Asenjok azken minutuetan.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Intza Egiguren: “Erregulartasuna denboraldi amaierara arte mantentzea espero dugu"
Halaber, goi postuetan lehiatzen jarraitzeko “denboraldia amaitu arte erregulartasuna mantendu” nahi dutela azpimarratu du.
Imanol Agirretxe: “Aurrekoan, finala gure zaleen aurrean jokatzeko arantza geratu zitzaigun"
Aurten, berriz, realzaleek bertatik bertara ikusi ahal izango dute Atletico Madrilen aurkako finala, apirilaren 18an, Cartujako zelaian. Garaipena lortuz gero ere, ospakizunek bestelako zapore bat izango dute, bai Sevillan, bai Donostian.