Sansek berdindu egin du Las Palmasen aurka, markagailuan aurrea hartu ostean (1-1)
Carrerak egindako golak aurretik jarri du markagailuan etxeko taldea, baina Kirianek 1-1ekoa egin du bost minutu geroago.
Sansek eta Las Palmasek 1-1 berdindu dute Zubietan, Hypermotion Ligako 24. jardunaldiko norgehiagoka. Partida erritmo trabatuarekin eta abagune argi gutxirekin hasi da, eta sentsazio kontrajarriak utzi dizkie txuri-urdinei, markagailuan aurrea hartu eta bi minutuan garaipenak nola ihes egin dien ikusita.
Hasieratik talde txuri-urdina ondo antolatuta aritu da, batez ere defentsa-lanetan. Las Palmasek baloiaren jabetza handiagoa izan du, baina Sansek espazioak ondo itxi ditu eta aurkariari jokoa garatzea zaildu dio. Lehen zatia parekatua eta taktikoa izan da, aukera garbi gutxirekin eta bi taldeek elkarri errespetu handiz jokatu dute.
Gakoa atsedenaldiaren ostean iritsi da, 49. minutuan, Gorka Carrerak bisitarien atea zulatu duenean, Kirian Rodriguezen akats bat aprobetxatuta.
Hala ere, abantailak oso gutxi iraun dio etxeko taldeari. Bi minutu eskas geroago, Kirian RodrIguezek berdinketa jarri duen gola egin du (1-1), Jese RodrIguezek asistentzia bat eman ondoren.
Gol hori bereziki hunkigarria izan da Kirianentzat, gaixotasun larri bat gainditu ostean bi urtean egin duen lehen gola izan baita.
Golaren ostean, neurketa ireki egin da. Realaren bigarren taldeak intentsitateari eutsi dio, defentsan sendo jarraituz eta aurkariari aukera garbiak sortzea eragotziz.
Sansek hainbat aukera izan ditu 10 minutuan. 60. minutuan, Dadiek Horkasi lan eginarazi dio; 66.an, Astiazaran saiatu da, eta 3 minutu geroago, Mikel Rodriguezek izan du aukera.
Etxekoen neke fisikoak eragina izan du, eta denbora erantsian, Iker Bravok lehenengo eta Clementek gero garaipena eman ahal izan diote Kanarietako taldeari, baina ez dira fin ibili.
Azkenean, bi taldeetako batek ere ez du markagailua mugitzerik lortu, eta, azkenean, 1-1 amaitu da partida.
Zure interesekoa izan daiteke
Realak zaplaztekoa jaso du luzapenean eta finalerdien atarian geratu da (0-1)
Arturo Ruizen jokalariek partidako aukerarik argiena izan dute norgehiagokaren azken minutuetan, baina Pardok jaurtitako penaltia Maria Lopez Badalonako atezainak gelditu du. Luzapenaren bigarren zatian, Pinillosek kanporaketa erabaki duen gola sartu du.
Jon Martin: “Ez gara oso ondo hasi, baina azken unera arte lanean jarraitu dugu eta irabazi egin dugu”
Reala Errege Kopako finalerdietarako sailkatu da Alavesi Mendizorrozan 2-3 irabazi ostean. Jon Martinek azaldu duenez, ez dira nahi bezain ondo hasi, baina egoerari buelta emateko gai izan dira, azken unera arte borrokatu dute eta lan horri esker lortu dute garaipena.
Brais Mendezek bi partidako zigorra bete beharko du, epaileak San Mameseko derbian txartel gorria erakutsi ondoren
Realak alegazioak aurkeztu zituen txartel gorria "bidegabekeriatzat" jo ondoren, baina batzordeak ez ditu kontuan hartu eta jokalaria zigortu du. Horrela, Braisek ezin izango du Elxen eta Real Madrilen kontra jokatu.
Pellegrino Matarazzo Realeko entrenatzailea: “Oso kontziente gara Kopak daukan garrantziaz”
“Oso kontziente gara Kopak daukan garrantziaz, oso emozionatuta gaude biharko partidarako”, argitu du talde txuri-urdinaren entrenatzaileak, eta “gure lehenengo finala” bezala definitu du Alavesen aurkako partida. Gainera, Matarazzok Alavesen jokalari onenak espero ditu: “Deskantsatzeko bi egun gehiago izan dituzte, eta, beraz, ez dute aldaketarik egiteko beharrik”.
Erik Bretos: "Europan egoteko borrokan izango gara"
Erik Bretos Realaren kirol-zuzendariak prentsaurrekoa eman du astearte goizean Zubietan, neguko merkatuan egindako mugimenduak aztertzeko, eta denboraldiaren bigarren zatia nola ikusten duen azaltzeko.
Wesleyk Iñigo Martinezek emandako gomendioak aipatu ditu Realera etortzeko arrazoien artean
Realak Wesleyren aurkezpen ofiziala egin du Donostian. Wesley Gassovak atzo egin zuen debuta, San Mamesen. Utzita etorri da Saudi Arabiako Al Nassr taldetik Realera.
Zubeldia: "Uste dut taldeak gehiago merezi zuela, eta ez zela txartel gorria"
Igor Zubeldia Realeko jokalariaren adierazpenak, San Mameseko derbia amaitutakoan.
Realak puntu baliotsua eskuratu du Costa Adeje Teneriferen aurka (1-1)
Realak 1-1 berdindu du Costa Adeje Teneriferen aurka F Moeve Ligako 18. jardunaldian. Partidaren lehen zatia oso parekatua eta lehiatua izan da. Etxekoek gola sartu dute 17. minutuan, baina txuri-urdinek 10 minutu geroago berdindu dute markagailua, Aparicioren gol bati esker.
Wesleyk utzita jokatuko du Realean
Bi hegaletan trebea den 20 urteko brasildarrak denboraldi amaierara arte jokatuko du talde txuri-urdinean utzita, 12 milioi euroren truke erosteko aukerarekin.