Pellegrino Matarazzo, Realeko entrenatzaile berria 2027ko ekainera arte
Klubak jakinarazi du astelehenean, 16:00etatik aurrera, aurkezpen ofiziala egingo duela Anoetan.
Pellegrino Matarazzo. Argazkia: Reala
Realak larunbat honetan jakinarazi duenez, Pellegrino Matarazzo izango da lehen taldeko entrenatzaile berria 2026-2027 denboraldia amaitu arte.
Klubak jakinarazi duenez, astelehenean, 16:00etatik aurrera, Anoetan aurkeztuko dute ofizialki.
Orain arte, Jon Ansotegi bigarren taldeko entrenatzailea aritu da bitarteko lanetan lehen taldearekin.
Matarazzok Nurenbergen oinarrizko futboleko taldeetan hasi zuen bere ibilbidea. 2017an Hoffenheimera pasa zen. Bi urte geroago lehen entrenatzaile bezala estreinatu zen, denboraldi horretan Bundesligara igo zen Stuttgarten gidaritzapean.
Behin Stuttgart utzita, Hoffenheimera itzuli zen, ia bi denboraldiz zuzendu zuen taldera, eta Europa Ligarako sailkapena lortu zuen.
Orain Realera heldu da taldearen norabidea zuzentzeko eta bultzada berri bat emateko, txuri-urdinei ezer ateratzen ari ez zaien denboraldian.
Zure interesekoa izan daiteke
Mikel Oyarzabal: "Ez gara teklarekin ematen ari"
Realak bana egin du Levanteren aurka etxetik kanpo jokatu duen EA Sports Ligako 16. jardunaldiko partidan. Partidaren amaieran, Mikel Oyarzabalek burumakur azaldu du ez direla erabaki egokiak hartzen ari, eta erantsi du momentu gogorra dela guztientzako.
Realari garaipenak luzapenean egin dio ihes Valentzian (1-1)
Take Kubok sartutako golarekin aurreratu da Reala markagailuan, baina Levantek berdinketa lortu du, penaltiz, 92. minutuan. Ion Ansotegiren taldeak garaipena merezi izan du, baina porrot sentsazioarekin itzuliko da Donostiara.
Jon Ansotegi: "Etxetik kanpo jokatzeko eta emaitza on bat ateratzeko aukera bezala ikusi behar dugu"
Realak urteko azken partida jaitsiera postuetan sartuta jokatuko du, bitarteko entrenatzaile batekin eta etxetik urrun. Taldea konfiantza momentu altuenean ez egon arren, funtsezkoa da urtea ondo amaitzea eta Ansotegik partidaren aurreko prentsaurrekoan azaldu du Levanteren aurkako partida aukera bezala ikusten duela.
Jon Ansotegi: "Kosta egin zaigu baina pozik nago, garaipena heldu egin delako"
Eldense mendean hartuta, Errege Kopan aurrera egitea lortu du Realak. Jon Ansotegik partidaren analisia egin du prentsaurrekoan.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Sergio Franciscok agur esan dio Realari, gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere babes leiala" emateagatik. Gainera, futbol profesionalean "erronka berriei" aurre egiteko prest agertu da.
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldearen entrenatzaile gisa duen erronkarekin. Esan du lehen erronka bihar, asteartez, Eldenseren kontrako Errege Kopako partida irabaztea dela.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.