Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Pablo Marin, gola sartu berritan. Argazkia: EFE
Realak Errege Kopako final-zortzirenetarako txartela lortu du Eldense mendean hartuta, neurketako azken hasperenean sartutako gol bati esker. Bigarren zatian zelairatu den Pablo Marinen golak Ansotegiren mutilei saria eman die, nahiz eta, oro har, norgehiagoka eskasa jokatu.
Partida etxeko taldeak bi baloi lapurtuta hasi da, eta jokaldiak bi jaurtiketekin amaitu dira. Bat, gurutzatuegia, 3. minutuan, eta, bestea, 4. minutuan, Marrerok defendatutako atearen gainetik joan da.
Eldenseren bi hurbilketa horien ondoren, Reala jokoa gehiago kontrolatzen hasi da. 6. minutuan txartel horia atera diote Quintanillari, Zakharyan errusiarrari egindako sarrera gogor baten ostean.
Lehen zatiko aukerarik argiena Guedesek izan du 20. minutuan. Aurrelari portugaldarrak Zakharyanen pase bikaina kontrolatu du area barruan, baina jaurtiketa gora joan zaio.
Jarraian, Guedesek, lehen zatian oso gogotsu, areaz kanpotik jaurtiketa gogorra egin du 28. minutuan, baina etxekoen atezainak, Valentziak, jaurtiketa desbideratu egin du. Hurrengo minutuan, portugaldarra berriro saiatu da, baina bere areaz kanpoko jaurtiketa Valentziak blokeatu du, arazo handirik gabe.
30. minutuan Kubo area barruan erori da, baina epaileak ez du ezer zigorgarririk ikusi. Atsedenaldia baino lehen, Zakharyan errusiarrak izan du abagune argia, baina ez du baloia ondo jo.
Bigarren zatian, Eldensek hainbat aldaketa egin ditu taldea indarberritzeko. Txartel horia atera diote David Ruizi, Kubo japoniarrari egindako sarrera dela eta.
Bigarren zatian zelairatu den Sucicek Eldenseko erdiko atzelari batek baloia ateratzerakoan egindako akatsa baliatu du gola egiteko, 79. minutuan. Baina pozak gutxi iraun die txuri-urdinei, hurrengo minutuan Eldensek neurketa orekatu baitu. Clementek baloia Marreroren ateko langara bidali ondoren, Quintanak, jokaldiaren jarraipenean, atezain txuri-urdina gainditu du jaurtiketa bikain batekin.
Minutu ero hori kenduta, bigarren zatia kaskarra izan da, baina partidako azken jokaldian Guedesek Pablo Marin aurkitu du, eta baloia sare barrura bidali du, luzapena saihestuz eta Reala Kopako final-zortzirenetara sailkatuz.
Fitxa teknikoa:
1 – CD Eldense: Pablo Valencia, Alex Serradell, Floris Smand, Arnau Gaixas (Rafa Nuñez, 86.min), David Ruiz (Jesus Clemente, 55.min), Ibarrondo, Borja Calvo (Dioni Villalba, 82.min), Guille Macho, Ruben Quintanilla (Hamza Bellari, 46.min), Boston Billups (Marcos Bustillo, 46.min) eta Nacho Quintana.
2 – Reala: Unai Marrero, Aramburu, Zubeldia, Jon Martin, Aihen Muñoz (Sergi Gomez, 74.min), Brais Méndez (Sucic, 74.min), Gorrotxategi, Carlos Soler (Astiazaran, 84.min), Zakharyan (Karrikaburu, 66.min), Guedes et Take Kubo (Pablo Marin, 84.min).
Golak: 0-1, 79.min: Sucic. 1-1, 81,min: Nacho Quintana. 1-2, 95.min: Pablo Marin.
Epailea: Francisco Jose Hernandez Maeso (Extremadurako batzordea), Ivan Masso Granado eta Abraham Perez Dapia marrazainek lagunduta. Eldenseko Ruben Quintanillari etaFloris Smandi eta Realeko Zakharyan eta Astiazarani txartel horia erakutsi die.
Eldako Nuevo Pepico Amat futbol-zelaian 3.392 ikusle bildu dira.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.