Sansek puntu bat lortu du Almeriaren aurka Anoetan jokatutako partidu parekatu batean
Sanse Hypermotion Ligako bigarren garaipena lortzeko atarian geratu da, Anoetan UD Almeriaren aurka 2-2 berdindu baitu, 2025/26 denboraldiko Hypermotion Ligako 3. jardunaldian.
Txuri-urdinek indartsu ekin diote partidari, baina lehen zatia tanteoa izan da bi taldeentzat. Hala ere, ordu erdia igarota, Sansek estreinako gola sartu du Arkaitz Mariezkurrenari esker; izan ere, aurkariaren arean baloi bat galdu ondoren, berehala berreskuratu eta penaltia behartu du. Berak bota eta sartu du partiduko lehen gola.
Atsedenaldira Sanseren aldeko abantailarekin iritsiko zirela zirudienean, baina, Nico Melamedek area barruan solte zegoen baloi bat aprobetxatu du berdinketa lortzeko, jaurtiketa eder batekin.
Atsedenaldiaren ostean, Realaren bigarren taldeko Lander Astiazaran jokalariak erdiraketa ona jarri du arean, eta Carrerak gol egin du: 2-1ekoa.
Hala ere, Almeriak ez du amore eman eta berdinketa lortu du Adrian Embarbaren kalitate handiko jokaldi bat bikain burututa. Erdilariak aurrealdean erdiraketa bat jaso eta txokotik bidali du baloia sare barrura.
Berdinketa honekin, Sansek 4 puntu lortu ditu hiru jardunalditan eta taularen erdialdean kokatu da. Almeria, berriz, laugarren dago, 5 punturekin.
Fitxa teknikoa:
2 - Reala B: Fraga; Dadíe, Beitia, Peru Rodriguez, Agote (Balda, 68. min); Carbonell, Mikel Rodriguez (Gorosabel, 61. min), Astiazaran (Lebarbier, 74. min); Ochieng (Marchal, 61. min), Carrera (Orobengoa, 68. min) eta Mariezkurrena.
2 - Almeria: Andres Fernandez; Luna, Chumi, Bonini, Alex Muñoz; Lopy, Selvi (Horta, 61. min), Melamed (Perovic, 87. min); Puigmal (Arribas, 73. min), Lazaro (Embarba, 61. min) eta Soko (Leo Baptistao, 73. min).
Golak: 1-0, 34. min: Mariezkurrena; 1-1, 44. min: Melamed; 2-1, 48. min: Carrera; 2-2, 83. min: Arribas.
Epailea: Alejandro Morilla. Txartel horia atera die Realeko Ochieng, Carbonell eta Peru Rodriguezi eta Almeriako Chumi, Soko, Alex Muñoz eta Embarbari.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.