Kubok puntu bat batu du Realarentzat Mestallan (1-1)
Take Kubok 60. minutuan sartutako gol bikain batek eman dio lehen puntua Sergio Franciscoren Realari Valentziaren aurkako Ligako lehen partidan, Mestallan (1-1). Bertan, hiru minutuan baliorik gabe utzi du Diego Lopezen gola, abagunez betetako bigarren zatian, txuri-urdinentzat zapore gazi-gozoa utzi duen partidan.
Mestallan bero itogarria zegoela, jabe argirik gabe hasi da partida. Bi taldeek izan dute baloia, eta biek hegaletatik bideratu dute jokoa.
Realak gero eta gehiago izan du baloiaren jabetza, eta bi aukera jarraian izan ditu Brais Mendez arriskutsu baten eskutik. 10. minutua pasatuta, erdilariak jaurtiketa gogorra atera du, eta Agirrezabalak bi denboratan gelditu behar izan du.
Atsedenaldiaren ostean, partidak distirarik gabe jarraitu du. Dani Rabak baloi bikaina erdiratu du areara, eta Diego Lopezek 1-0ekoa jarri du.
Pozak gutxi iraun die ordea. Hiru minutura, Take Kubok berdinketa ekarri duen gola egin du, ezkerkada bikain batekin (1-1).
Lehia joan-etorri etengabea bihurtu da, eta Oskarssonek aukera on bat huts egin du. Lehen zatian izan ez diren aukera guztiak bigarrenean heldu dira, baina gehiagorako denborarik gabe geratu dira eta partida berdinketarekin bukatu da.
Fitxa teknikoa:
1 - Valentzia: Aguirrezabala; Foulquier, Tarrega, Copete, Gaya (Jesus Vazquez, 80. min); Diego Lopez, Pepelu (Santamaría, 80. min), Javi Guerra (Ugrinic, 87. min), Luis Rioja; Raba (Danjuma, 67. min) eta Hugo Duro (Andre Almeida, 67. min).
1 - Reala: Remiro; Aihen Muñoz (Sergio Gomez, 80. min), Zubeldia, Caleta-Car (Aritz, 68. min), Aramburu; Turrientes (Urko, 80. min), Marin, Brais Mendez (Oskarsson, 68. min), Take Kubo (Guedes, 80. min); Barrenetxea eta Oyarzabal.
Golak: 1-0, 57. min: Diego Lopez. 1-1, 60. min: Take Kubo.
Epailea: Jose Maria Sanchez Martinez. Txartel horia atera die Gaya, Turrientes eta Aihen jokalariei.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.