Realaren partida kaskarra eta porrota, urtea amaitzeko (2-0)
Realak 2-0 galdu du Celtaren aurka Balaidosen jokatu duen EA Sports Ligako partida, eta, ondorioz, azkenaldian zeraman bolada ona amaitu zaio. Gaurkoan, Imanol Alguacilen taldeak ez du egoerak eskatzen zuen maila eman. Alderantziz, txuri-urdinek irudi txarra eman dute, ideiarik gabe aritu baitira zelaian.
Celtak, ostera, oso ondo jokatu du, eta Pablo Duran aurrelari gazteak erakustaldia eman du, eta bi gol sartu.
Lehen zatian, Realak izan du baloiaren jabetza, baina asko kostatu zaio Celtaren ate inguruan arriskua sortzea. Turrientes oso ondo aritu da zelai erdian, baina Mikel Oyarzabal ez da agertu aurrean, eta Barrene ez da fin ibili azken metroetan.
Claudio Giraldezen taldeak, berriz, ohiko joko ikusgarria egin du. Hiruzpalau pase azkar emanda, hainbat aldiz iritsi da Alex Remiroren area ertzeraino, eta Realak baino gol aukera garbi gehiago sortu ditu.
Atsedenaldirako bost minutu falta zirenean, bi gol bata bestearen atzetik egin ditu etxeko taldeak, eta Reala burumakur joan da aldagelara.
Lehendabiziko gola Pablo Duranek egin du, area kanpotik egindako jaurtiketa bortitz batekin, Celtaren jokaldi on bat baliatuta. Remiro saiatu da, baina ezinezkoa izan zaio baloia aldaratzea.
Bigarren gola ere Duranek sartu du. Alfonek pase bikaina eman dio, eta Celtako jokalari gazteak oina jartzea nahikoa izan du baloia area txikitik sarera bidaltzeko.
Atsedenaldian, Imanolek hiru aldaketa egin ditu: Zubimendi, Oskarsson eta Becker atera dira. Hala ere, bigarren zatiaren hasieran, beste kolpe bat jaso dute txuri-urdinek. Epaileak, baina, baliorik gabe utzi du Duranen hirugarren gola, jokoz kanpo zegoelako. Abisu horren ostean, Reala saiatu da aurrerapauso bat ematen, baina ez du jokoa hobetu.
Horrenbestez, 64. minutuan, Imanol Alguacilek Take Kubo zelairatu du Oyarzabalen ordez. Realeko kapitainak gaur ez du egun ona izan. Txartel horia atera diote lehen zatian, eta erasoan ez du bere maila eman.
Minutuak igaro dira, eta partidan ez da aldaketarik izan. Reala ahalegindu da, baina Celtak ondo defendatu du bi goleko abantaila, eta Guaitak geldiketa onak egin ditu esku hartu behar izan duen jokaldi apurretan.
Horrela, Realak 2-0 galdu du Vigon, eta, hortaz, partida bat galduta esan dio agur urteari. Donostiako taldeak 2019tik ez du galdu Balaidosen.
FITXA TEKNIKOA
2- Celta: Guaita; Javi Rodriguez, Starfelt, Marcos Alonso; Sergio Carreira (Hugo Alvarez, 72. min), Moriba, Beltran, Mingueza (Carlos Dominguez, 90. min); Alfon (Cervi, 83. min), Pablo Duran (Williot Swedberg, 72. min) eta Borja Iglesias (Douvikas, 90. min).
0- Real Sociedad: Remiro; Aramburu, Zubeldia, Pacheco, Aihen (Oskarsson, 46. min); Turrientes (Martin, 46. min), Sucic, Brais Mendez (Marin, 83. min); Oyarzabal (Take, 63. min), Barrenetxea (Becker, 46. min) eta Sergio Gomez.
Golak: 1-0, 39. min: Pablo Duran. 2-0, 45. min: Pablo Duran.
Epailea: Busquets Ferrer. Txartel horia atera die Celtako Javi Rodriguezi, Starfelti eta Pablo Durani, eta Realeko Oyarzabali, Turrientesi, Beckerri, Zubeldiari eta Take Kubori.
Zure interesekoa izan daiteke
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.
EITBk Errege Kopan egingo duen jarraipena aurkeztu du Anoetan
Astearte honetan, martxoaren 31n, aurkeztu da EITBk Errege Kopan egingo duen jarraipen zabala, Donostiako Anoeta estadioan egindako ekitaldian. 30 profesionalek Sevillara bidaiatuko dute ETBn, ETB ON plataforman, kirolakeitb.eus webgunean, Euskadi Irratian eta Radio Euskadin askotariko edukiak eskaintzeko.