Zubimendi min hartuta dago eta oso zail izango du Atletico Madrilen aurkako Kopako partidarako prest egotea

Martin Zubimendi Realeko jokalariak giharretako lesioa du eskuin hankako izterrean eta oso zaila izango da erdilaria prest egotea datorren asteko Atletico Madrilen aurkako Errege Kopako final-zortzirenetako partidarako. Zubimendik fisioterapia tratamenduari ekin dio, eta klubak ez du zehaztu zenbat egun emango dituen jokatu ezinda.

Bestalde, Ander Barrenetxeari ebakuntza egin diotela eta dena ondo joan dela jakinarazi du Realak. Barrenetxeak min hartu zuen Alavesen aurkako urtarrilaren 2an jokatutako derbian. Ezker izterreko jatorrizko muskulatura iskiosurala berregin diote. Turkun (Finlandia) egin dio ebakuntza Lasse Lempainen doktoreak.