Reala - Bartzelona, finalerako txartela lortzea da jomuga
Reala, Kopako finalista bezala eta Bartzelona, azken Santander Ligako bigarren sailkatua, aurrez urre arituko dira Superkopako lehen finalerdian.
Partida gaur gaueko 21:00etan jokatuko da Kordobako Arcangel Berria futbol-zelaian. Aurreko urtean talde katalanak finalerdietako neurketa galdu zuen Atletico Madrilen aurka (2-3) eta ondorioz Ernesto Valverde bere kargutik kendu zuten.
Halere, aurten Ronald Komanen taldea sasoiko heldu da Superkopako hitzordura, LaLigan jokatutako azken partidak irabazi egin ditu, Granadari (0-4), Athletici (2-3) eta Huescari (0-1). Horrez gain, Leo Messi denboraldiko une goxoenean dago, forma oso onean eta golak sartzen.
Reala, ordea, ez da denboraldi hasierako taldea. Emaitzak ez dira onak, azken sei partidetan lau porrot dituzte, eta guztira Europa Ligako neurketak kontuan izanda, garaipen bakarra erdietsi dute txuri-urdinek jokatutako azken 12 partidetan.
Gainera, Aritz Elustondo baja da eta David Silva ez da helduko, aurten oso garrantzitsua izaten ari den jokalaria. Halere, helburua irabaztea da finala jokatu ahal izateko.
Ustezko hamaikakoak
Reala: Remiro; Gorosabel, Zubeldia, Le Normand, Monreal; Guevara, Guridi, Merino; Oyarzabal, Willian Jose eta Portu.
Bartzelona: Ter Stegen; Dest, Araujo, Lenglet, Jordi Alba; Busquets, De Jong, Pedri; Dembele, Griezmann eta Messi.
Epailea: Munuera Montero
Futbol-zelaia:: Arcangel Berria
Ordua: 21:00
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.