Reala sailkapeneko zazpigarren posturaino jaitsi da Real Madrilen aurka galdu ostean
Realak 1-2ko emaitzarekin galdu du Real Madrilen aurka Reale Arenan jokatu duen Ligako 30. jardunaldiko partida. Koronabirusaren pandemiak eragindako geldialdiaren ostean Liga berriz hasi denetik, talde txuri-urdinak berdinketa bat eta bi porrot erdietsi ditu hiru jardunalditan. Txapeldunen Ligako postuak gero eta urrunago ditu talde donostiarrak, jardunaldi honetan zazpigarren posturaino jaitsi baita, 47 puntu dituelarik.
Lehen zatia parekatua izan da, eta oso abagune gutxikoa. Jokalarien hidratazioa bermatzeko 30. minutuan egiten den geldialdiaren ostean, Real Madril izan da nagusi, eta abaguneren bat sortu du. Benzemak egin duen jaurtiketari ondo erantzun dio Alex Remiro atezainak. Reala Portu eta Isaken bidez saiatu da arriskua sortzen, baina aurkaria estutasun handietan sartu gabe. Atsedenaldira iritsi orduko, Viniciusek izan du gola sartzeko aukera, baina Remirok berriz eragotzi du Real Madrilen gola.
Bigarren zatiari hobeto ekin dio Zidanek zuzentzen duen taldeak, eta epaileak Llorentek Viniciusi egin dion penaltia adierazi du, 48. minutuan. Sergio Ramosek 0-1ekoa egin du, penaltiz.
Gola jaso ostean, Realak berdinketaren bila jo du, eta Januzajek gola sartu du 68. minutuan, baina epaileak baliogabetu egin du, bideo-arbitraje laguntzailearekin kontsultatu ostean, Merino jokoz kanpo zegoelako eta Courtois atezainari traba egin diolako. Ondoren, 70. minutuan, Benzemak 0-2koa sartu du, area barruan kontrol bikaina egin ondoren Remiro gaindituta.
Oso maldan gora jarri zaio partida Realari, baina Mikel Merinok aldea murriztu du (1-2) 83. minutuan. Azken minutuetan, Reala berdinketa lortzen saiatu da, baina ez da abagunerik sortzeko gai izan, eta Real Madrilek lortu ditu hiru puntuak.
Fitxa teknikoa:
1,. Reala: Remiro; Gorosabel (Aritz, 59. min), Diego Llorente, Le Normand, Monreal; Zubeldia (Zubimendi, 79. min), Merino, Odegaard (Roberto Lopez, 79. min); Portu, Oyarzabal (Januzaj, 59. min), Isak (Willian Jose, 79. min).
2.- Real Madril: Courtois; Carvajal, Varane, Sergio Ramos (Militao, 59. min), Marcelo (Mendy, 88. min); Valverde (Modric, 88. min), Casemiro, Kroos; James (Mariano, 78. min), Benzema (Asensio, 78. min), Vinicius.
Epailea: Estrada Fernandez. Txartel horia atera die Diego Llorente, Zubeldia, Gorosabel, Merino, Casemiro eta Modric jokalariei.
Golak: 0-1, 49. min: Sergio Ramos, penaltiz. 0-2, 70. min: Benzema. 1-2, 82. min: Merino.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.