Reala finalerdietan da, Real Madril kanporatu ostean (3-4)
Realak Real Madril kanporatu du ostegun honetan (3-4) Errege Kopako final-laurdenetan. Partida alde jarri zaie donostiarrei hasieratik, Martin Odegaardek 22. Minutuan egindako golarekin.
Lehen zati horretan Imanolen taldea jaun eta jabe izan da eta merezita iritsi da atsedenaldira emaitza horrekin.
Beste gol guztiak bigarren zatian izan dira. Epaileak Isakek 49. minutuan sartutako gola balio gabe utzi du jokalari txuri-urdina jokoaz kanpo egon delako pasea eman diotenean. Baina suediarrak ez du amore eman eta bi gol sartu ditu ondoren, bi minututan, markagailuan Realaren aldeko 0 eta 3koa ezarriz.
Partida ondo bideratuta izan du Realak, baina madrildarrek ez dute etsi eta egindako ahaleginak saria izan du, baina ez haiek nahi izan duten bestekoa. Marcelok aldea murriztu du, zaleen txistuen artean defentsan egindako hutsengatik, 59. minutuan.
Ondoren, Mikel Merinok aldea handitu du, 1 eta 4koa eginez 68.ean.
Madrilek jo eta ke jarraitu du erasoan, eta Rodrygok 2 eta 4koa egin du Viniciusek emandako pase bat ondo aprobetxatuz. Zidanen taldeak partida iraultzeko aukera hurbil ikusi du.
Nachok Real Madril gol bakar batera jarri du luzapenean, baina madrildarrek ez dute gol gehiago egiteko aukerarik izan, Realak azken minutuak 10 jokalarirekin jokatu dituen arren, epaileak Gorosabel bota ostean.
Emaitza horri esker, Reala Errege Kopako finalerdietan sartzen den hirugarren taldea da, Granada eta Mirandesekin batera. Finala Sevillako Cartujan jokatuko da apirilaren 18an.
Fitxa teknikoa
3 - Real Madril: Areola; Nacho, Militao, Sergio Ramos, Marcelo; Valverde (Rodrygo, 76. min), Kroos, James (Modric, 46. min); Vinicius, Brahim (Jovic, 76. min) eta Benzema.
4 - Reala: Remiro; Gorosabel, Aritz Elustondo, Le Normand, Monreal; Zubeldia, Mikel Merino, Odegaard (Guevara, 64. min), Januzaj (Barrenetxea, 46. min); Isak (Aihen, 70. min) eta Oyarzabal.
Golak: 0-1, 22. min: Odegaard. 0-2, 54. min: Isak. 0-3, 56. min: Isak. 1-3, 59. min: Marcelo. 1-4, 68. min: Merino. 2-4, 80. min: Rodrygo. 3-4, 93. min: Nacho.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.