Realak porrota jaso du Atletico Madrilen aurka
Realak porrota jaso du Atletico Madrilen aurka (1-4), Primera Iberdrola Ligako zazpigarren jardunaldiko partidan. Ondorioz, talde txuri-urdinak bolada txarrean jarraitzen du; hiru neurketa jarraian daramatza garaipena lortu gabe, eta 9 punturekin da sailkapenean.
Norgehiagoka azkar bideratu du Atletico Madrilek, Charlynek gola sartu baitu (0-1) hirugarren minutuan. Realak abagune bat izan du lehia berdintzeko, baina ez du asmatu, eta Dugganek 2-0ekoa sartu du, 31. minutuan.
Bigarren zatian, talde txuri-urdinak aldeak murriztea eta erasokorrak izatea izan du helburu; baina Atletico Madril nagusi izan da, eta partida erabakita utzi du, 72. minutuan Angela Sosak sartu duen golarekin (0-3). Jarraian, bi minutu beranduago, Marta Cardonak 1-3koa egin du. Hala ere, berandu etorri da talde txuri-urdinaren erantzuna, eta Atleticok garaipena biribidlu du, 83. minutuan Santosek egin duen 1-4koarekin.
Fitxa teknikoa:
Reala: Quiñones, C. Blanco (Iraia, 83. min), Maddi, N. Mendoza, Lucia, Itxaso, L. Baños, M. Cardona (Mirari, 78. min), N. Eizagirre (S. Olaizola, 60. min), Manu (C. Bautista, 60. min), Barbara.
Atletico Madril: Van Veenendaal, K. Robles, Alexandri, Angela Sosa, Ludmila, Charlyn (Ovdychuk, 86. mn), Menayo, Virginia (Linari, 63. min), Duggan (Olga Garcia, 63. min), Tounkara, Santos (Anita, 89. min).
Golak: 0-1: Charlyn, 3. min; 0-2: Duggan, 31. min; 0-3: Angela Sosa, 72. min; 1-3: L. Baños, 74. min; 1-4: Santos, 83. min.
Epailea: Pelaez Arnillas. Txartel horia atera dio Santos Atletico Madrileko jokalariari.
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.