Egindako akatsek porrota ekarri diote Realari San Petersburgon
Realak galdu egin du Errusian Zenit San Petersburgoren kontra (3-1). Norgehiagoka oso zail jarri zaie donostiarrei Ruben Pardok, lehendabizi, eta Rulli atezainak, ondoren, egindako akats larriengatik. Horrenbestez, laugarren porrota jarraian pilatu dute, nahiz eta atsedenaldira heldu orduko Diego Llorentek norgehiagoka berdintzeko itxaropenak piztu dituen.
Txuri-urdinek bolada txarrean heldu dira Europa Leagueko bigarren jardunaldira, baina ezin izan diote bolada gaizto horri buelta eman bere aukerak ezin hobetu probestu dituen Zeniten baten aurrean.
Aitzitik, Roberto Mancinik zuzentzen duen taldeak sasoi onean dagoela erakutsi du 55.000 zale zaratatsuren aurrean. Horrenbestez, bigarren garaipena erdietsi du Multzoko Fasean, lehendabiziko norgehiagokan Vardarri 0-5 irabazi ostean.
Norgehiagoka ezin okerrago hasi da txuri-urdinentzat. 5. minutuan Ruben Pardok lagunari pasea ematean egindako akats larri batek Emiliano Rigoniri eman dio baloia area aurrean, eta handik Rullik geratu ezin izan duen jaurtiketa gogorra egin du, eskuineko zutabetik gertu sartu dena.
Donostiarrak eroso zeuden erasoan, Januzaj gidari zutela, baina azkenaldian izandako emaitza txarrek defentsan zalantzak eragin dituzte. Horrelako batean, Realak beste baloi arriskutsu bat galdu du zelai erdian, eta Paredesek pase bikaina sartu dio taldekideari defentsaren atzealdea bilatu nahian. Rulli baloia urruntzera atera da, baina ez du ondo kalkulatu bere ateraldia eta baloia gainetik igaro zaio. Aleksandr Kokorinek ez du aukera alperrik galdu eta 2-0ekoa jarri du markagailuan.
Horren ostean, errusiarrek burukada bat langara bidali duten arren, Realak ez du amore eman eta etxekoen area inguruak zapaltzeari ekin dio. Atsedenaldia iritsi baino lehen motzean ateratako korner batean Canalesi heldu zaio, eta hark baloia ondo jarri du arean, eta Diego Llorentek saretara eramateko aprobetxatu du.
Atsedenalditik bueltan, txuri-urdinek partidaren kontrola eskuratu dute, baina jokaldi isolatu batean Ivanovic Chelseako jokalari ohiak bigarren zutoinera erdiratu du baloi bat eta hantxe agertu du da berriz ere Kokorin partidako bere bigarren golsa egin eta denboraldiko hamalaugarrena sartzeko.
Gol horrek donostiarren itxaropena zapuztu ditu, eta hortik aurrera apenas egin dute arriskurik. Azkenean hiru puntuak Errusian geratu dira.
Horrenbestez, Zenit da multzoko lider, eta Reala bigarren da Rosenborgekin berdinduta.
Fitxa teknikoa:
3 - Zenit: Lunev; Criscitto, Mammana, Ivanovich, Mevjla; Kranevitter, Paredes (Dzyuba, 88. min), Kuziaev; Rigoni (Yerokhin, 73. min), Driussi (Poloz, 80. min) eta Kokorin.
1 - Reala: Rulli; Odriozola, Llorente, Elustondo, De la Bella; Prieto (Juanmi, 64. min), Pardo (Illarramendi, 73. min), Zurutuza; Canales, Januzaj eta Jon Bautista (William Jose, 62. min).
Golak: 1-0, 5. min: Rigoni. 2-0, 24. min: Kokorin. 2-1, 41.min: Llorente. 3-1, 61. min: Kokorin.
Epailea: Andre Marriner (ENG).
Zure interesekoa izan daiteke
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Intza Egiguren: “Erregulartasuna denboraldi amaierara arte mantentzea espero dugu"
Halaber, goi postuetan lehiatzen jarraitzeko “denboraldia amaitu arte erregulartasuna mantendu” nahi dutela azpimarratu du.
Imanol Agirretxe: “Aurrekoan, finala gure zaleen aurrean jokatzeko arantza geratu zitzaigun"
Aurten, berriz, realzaleek bertatik bertara ikusi ahal izango dute Atletico Madrilen aurkako finala, apirilaren 18an, Cartujako zelaian. Garaipena lortuz gero ere, ospakizunek bestelako zapore bat izango dute, bai Sevillan, bai Donostian.
Kopako finalerako sarrerak erosterakoan izan daitezkeen zalantzak eta erantzunak
Realak sarreren erosketari buruzko informazio guztia argitaratu du, sarrerak esleitzeko eta erosteko prozesuaren deskribapen osoa eginez.
Realak 250 sarrera gehiago iragarri ditu bere bazkideentzat, Errege Kopako finalean
Talde txuri-urdinak jakinarazi duen bezala, “sarrera gehigarri hauek zozketan zorterik izan ez zutenei esleituko zaizkie, ezarritako ordena jarraituz, 3.768 zenbakitik 3.872raino”.
Sergio Gómez, finalari buruz: “Hasiera ona egin behar dugu; zale guztiekin ospatu ahal izatea espero dut"
Sergio Gomez Realeko jokalaria elkarrizketatu dute Radio Euskadin. Taldearen inguruan hitz egin du berta, baita Europa eta Kopako finalaren inguruan ere. (Bideoa Gazteleraz)
Take Kubo Realarekin dabil entrenatzen ostera ere
Kubo talde txuri-urdinarekin entrenatu da astelehen honetan, eta prest egongo da Levanteren aurkako partidarako.
Bi gol goiztiarrek aukerarik gabe utzi dute Sanse Granadaren aurka (0-2)
Andaluziarrek lehen bost minutuetan egindako bi gol goiztiarrak baliatu dituzte aurretik jartzeko, eta txuri-urdinek, erreakzionatu arren, ez dituzte izandako abaguneak aprobetxatu.
Zubeldia zalantza da Kopako finalerako, ezkerreko bizeps femoraleko lesioa dela eta
Erdiko atzelariak aldaketa eskatu behar izan zuen ostiralean Vila-realen aurka jokatutako partidan, eta larunbat honetan erresonantzia egin diote lesioaren nondik norakoak zehaztu ahal izateko.
Reala garaipenaren bidera itzuli da, Ligako azkenari irabazita (0-1)
Realak 0-1 irabazi dio Levanteri etxetik kanpo, Cahynovak sartutako golari esker, eta Ligako sailkapenean hirugarren tokian sendo jarraitzen du.