Realak garaipen handia lortu du Rosenborgen aurka
Realak gol asko sartuta ekin dio Europa Ligako multzoen faseari, lehenengo zati oso on bat jokatu ostean mailarik eman ez duen Rosenborg taldearen aurrean (4-0).
Donostiarrak Europan azken aldiz jokatu zutenetik hiru denboraldi igaro eta gero, su batean atera dira epaileak hasierako txistua jo duenetik, zaleen gozamenerako, eta denboraldi hasiera honetan erakusten ari diren jokoa eta eraginkortasuna azaldu dituzte beste behin ere.
Lehenengo bost minutuetan, bi aldiz gerturatu dira aurkarien atera, eta Anoetan ikusi den futbol onaren iragarle izan dira. Goitik behera menderatu dute Rosenborg, gaurkoan kamuts aritu baita Norvegiako taldea.
Gola zortzigarren minutuan iritsi da. Asier Illarramendik ezkerkada bortitza jaurti du, eta Diego Llorentek Andre Hansen atezainaren aldaratzea harrapatu eta baloia sare barrura bota du.
Jarraitzaile txuri-urdinak gola ospatzen ari zirenean iritsi da bigarrena. Xabi Prietok maisutasunez eman dio pasea David Zurutuzari, eta hark Anoeta poz batean jarri du, baloia buruarekin indar handiz astindu eta sarera bidalita.
Zurutuza, bere gola ospatzen. Argazkia: EFE
Realak ez dio azeleragailua zapaltzeari utzi, nahiz eta igandean Real Madrilen bisita hartuko duen. Emaitza erosoa zen, jokoaren kontrola berea zuen, baina Rosenborgek azaldu duen gehiegizko errespetuak gol gehiago bilatzera bultzatu ditu donostiarrak.
Hartara, hirugarrena Xabi Prietoren beste pase batek ekarri du. William Jose bakarrik zegoela ikusita, baloia hari bidali dio, erdiraketa bikaina eginez, baina pasea Skjelvik Rosenborgo zentralak jo, eta bere ate barrura bidali du, baloia alderatzeko ahaleginean.
Bigarren zatian, etxekoak norgehiagoka kontrolatzen ibili dira, norvegiarrei kalte gehiago egin nahi gabe, eta, orduan, Rosenborgek aukera batzuk izan ditu gola sartzeko, Tronsdsenek bigarren zati horren hasieran izandakoa kasu.
Adegbenro nigeriarrak egindako jaurtiketa gaizto bati erantzun aparta eman dio Rullik, eta horrek txuri-urdinak iratzarri ditu. Azken txanpan berriro hartu dute mendean Rosenborg, eta orduantxe iritsi da Diego Llorenteren bigarren gola, norgehiagoka apartari bukaera ederra emateko.
L multzoko beste norgehiagokan, Vardarrek jipoi galanta jaso du etxean Zeniten aurka (0-5).
Fitxa teknikoa:
4 - Reala: Rulli; Odriozola, Elustondo, Llorente, De la Bella; Zurutuza (Zubeldia, 76. min), Illarramendi, Xabi Prieto (Juanmi, 57. min); Vela, Canales, Willian Jose (Jon Bautista, 67. min).
0 - Rosenborg: Andre Hansen; Hedenstad, Reginiussen, Skjelvlic, Meling; Jensen, Trondsen, Konradsen (Lundemo, 60. min); De Lanlay (Heland, 73. min), Bendtner, Adegbenro (Jevtovic, 82. min).
Epailea: Paolo Mazzoleni (Italia). Txartel horiak: Reginiussen.
Golak: 1-0, 8. min: Diego Llorente; 2-0, 11. min: Zurutuza; 3-0, 41. min: Skjelvik (bere atean); 4-0, 77. min: Diego Llorente.
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.