Realak garaipena behar du Granadaren aurka Europako lehiari eusteko
Realak beharrezkoa du Granadari irabaztea Anoetan, Europako lehian murgilduta jarraitzeko, Liga amaitzeko lau jardunaldi falta direnean.
Valentzian gailendu ostean, donostiarrek ez dute Athleticengandik aldendu nahi, bilbotarrak puntu bakar batera baitaude. Hala ere, Eusebiok baja garrantzitsuak ditu larunbaterako: Willian Jose brasildarra eta Iñigo Martinez.
Aurrelariaren baja berezi garrantzitsua da, egindako 11 goletatik 10 Anoetan sartu baititu.
Bestalde, Granadak ere ezinbestekoa du garaipena lortzea Bigarren Mailara ez jaisteko. Andaluziarrek maila galduko dute Anoetan irabazten ez badute, edo Leganesek Ipuruan irabazten badu.
Ustezko hamaikakoak
Reala: Rulli; Odriozola, Mikel, Navas, Yuri; Illarramendi, Zurutuza, Xabi Prieto; Oyarzabal, Vela, Juanmi.
Granada: Ochoa; Foulquier, Hongla, Ingason, Gastón Silva; Angban, Uche, Andreas Pereira; Boga, Isaac Cuenca, Adrián Ramos.
Epailea: Mateu Lahoz (Valentziako batzordekoa)
Estadioa: Anoeta
Ordua: 13.00etan
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.