Kanporaketari buelta ematera behartuta dago Reala
Realak Vila-real hartuko du asteazken honetan Anoetan, Kopako final-zortzirenetako itzuliko partidan (20:00etan). Donostiarrek porrota jaso zuten aurreko astean Madrigalen (1-0), eta final-laurdenetarako txartela lortu nahi badute, kanporaketari buelta eman beharko diote.
Moyesek zuzentzen duen taldearen lehentasuna liga da, baina Kopan ere aurrera egin nahi du. Vila-real hirugarrenez utzi nahi du Kopatik at Realak. Horrek gainera konfiantza emango lioke taldeari.
Entrenatzaile eskoziarrak ohikoak ez diren jokalariak erabiliko ditu, segur aski, baina Xabi Prieto, Canales, Granero eta Bergara jokalariek, adibidez, hasieratik jokatzeko aukera asko dituzte. Velari, ordea, atsedena eman diezaioke.
Eñaut Zubikaraik defendatuko du gipuzkoarren atea, eta defentsan eta baita hegaletan ere aldaketak egon daitezke.
Ustezko hamaikakoak:
Reala: Zubikarai; Elustondo, Mikel, Iñigo Martinez, Yuri; Bergara, Granero, Xabi Prieto; Canales, Hervias, Finnbogason.
Vila-real: Asenjo; Rukavina, Musacchio, Dorado, Jaume Costa, Tomas Pina, Manu Trigueros, Moi Gomez, Cheryshev, Gio Dos Santos, Gerard Moreno.
Epailea: Velasco Carballo.
Futbol-zelaia: Anoeta
Ordua: 20.00
Zure interesekoa izan daiteke
Jon Ansotegi: "Kosta egin zaigu baina pozik nago, garaipena heldu egin delako"
Eldense mendean hartuta, Errege Kopan aurrera egitea lortu du Realak. Jon Ansotegik partidaren analisia egin du prentsaurrekoan.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Sergio Franciscok agur esan dio Realari, gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere babes leiala" emateagatik. Gainera, futbol profesionalean "erronka berriei" aurre egiteko prest agertu da.
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldearen entrenatzaile gisa duen erronkarekin. Esan du lehen erronka bihar, asteartez, Eldenseren kontrako Errege Kopako partida irabaztea dela.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.