Realak garaipena eskuratu du partida kaskar batean
Realak Valladolidi irabazi dio, sufrituta, Carlos Velaren lehenengo zatiko golari esker. Valladolid nagusi izan da bigarren zatian, baina hala ere, txuriurdinek garaipena eskuratu dute Anoetan.
Realak nagusi hasi zuen partida, eta lehenengoa izan zuen Antoine Griezmannek, Valladoliden atezainak urrunduta. Beste bat izan zuen Realak 14. minutuan, oso argia, Seferovicen oinetan, baina aurrelariak huts egin zuen.
Valladolid suspertu egin zen, eta behin baino gehiago heldu zen Realaren atera, baina abagunerik sortu gabe. Sentsazioak kanpoko taldearen alde zeudenean, Realaren gola heldu zen: Carlos Velak, Ruben Pardoren pase bikain baten ostean, baloia barrur errematatu zuen, 23. minutuan.
Golaren ostean, konfiantza berreskuratu zuen Realak, eta joko hobea egin zuen Anoetan. Ez zuen gehiegi behar izan aurkariaren ateetara heldu eta gola sartzeko, eta markagailuan aurretik joateari esker, zelaian Valladolid baino hobeto bukatu ahal izan zuen bigarren zatia. Canalesek beldurra sartu zien Valladolideko jokalariei, 28. minutuko falta jaurtiketa batean, Jaimek urrundu zuena. Ate barrura zihoan, zuzenean.
Bigarren gola gertu izan zuen Realak, 40. minutuan batez ere, aukera bikoitz baten batean: Carlos Velarena, lehenengo, atezainak urrundu zuen, eta geroago, Seferovicek kanpora bidali zuen aldaratzea. Reala aurretik heldu zen atsedenaldira, golari esker suspertuta.
Aldageletatik itzultzean, Valladolid partida berdintzeko asmoarekin irten zen, neurketa joan-etorriko lehia bat bihurtuta. Kontraeraso arriskutsu batean, izan ere, Bravok Oscarren asmoak gelditzera irten behar izan zuen. 61. minutuan, Oscarrek berriro izan zuen abagunea, penalti puntutik errematatutako baloi batean, baina gora joan zitzaion.
Reala, Valladolid baino talde hobea izanda ere, arriskua ikusten ari zen bere atean. Javi Guerrak 68.ean saiatu zen, baina huts egin zuen, eta Seferovicek erantzuna eman zion, baina Jaimek baloia urrundu zuen.
Neurketa etxekoen urduritasunarekin bukatu zen, Valladoliden erasoak atzean gelditzen. Azkenean, hala ere, hiru puntu baliotsuak eskuratu zituen Realak, eta Europan jokatzeko lehian sartuta jarraitzen du.
FITXA TEKNIKOA
Reala: Bravo; Zaldua, Ansotegi, Iñigo, Jose Angel; Bergara, Ruben Pardo (Elustondo, 82. min), Canales (Xabi Prieto, 65. min); Griezmann, Vela eta Seferovic (Agirretxe, 70. min).
Valladolid: Jaime; Rukavina, Jesus Rueda, Mitrovic, Peña; Alvaro Rubio (Rossi, 72. min), Victor Pérez, Larsson (Rama, 60. min); Oscar, Jefren (Omar, 60. min) eta Javi Guerra.
Gola: 1-0, 23. min: Vela.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.