Realak ez du Anoetan gehiago kale egin nahi
Malagak Anoeta bisitatuko du larunbat honetan, 16:00etatik aurrera, eta Realak ez du etxean gehiago kale egin nahi. Anoetan jokatutako azken liga partidan porrota jaso zuen Realak Atletico Madrilen aurka, eta asteartean, Txapeldunen Ligakoan, ezin izan zuten donostiarrek Shakhtar Donetsk mendean hartu.
Gainera, egutegi zaila du aurretik Jagoba Arrasateren taldeak: asteartean Camp Noun jokatuko du, Barçaren aurka, asteburuan Sevilla hartuko dute etxean, eta ondoren hil edo biziko partida jokatu beharko dute Alemanian, Bayer Leverkusenen kontra.
Esteban Granero larri lesionatu zen azken neurketan, eta sei hilabete inguru emango ditu bajan, baina ez da taldeak duen baja bakarra. Gorka Elustondok ezin izango du partida jokatu, eta oraindik ez dakite David Zurutuza eta Markel Bergara prest egongo ote diren.
Gauzak horrela, Xabi Prietok atzerago jokatu du seguruenik, eta Ruben Pardo hasieratik ipini dezake Arrasatek. Atzean, Mikel Gonzalezen txanda izango da.
Ustezko hamaikakoak:
Reala: Bravo; Estrada, Mikel Gonzalez, Iñigo Martinez, De la Bella; Ruben Pardo, Ros edo Bergara, Xabi Prieto; Vela, Griezmann eta Seferovic
Malaga: Caballero; Gamez, Angeleri, Sergio Sanchez, Antunes; Portillo, Tissone, Darder, Eliseu; Santa Cruz eta El Hamdaoui.
Epailea: Teixeira Vitienes
Eguna eta ordua: Larunbatean, 16:00etan
Futbol-zelaia: Anoeta.
Zure interesekoa izan daiteke
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldeko entrenatzaile gisa duen erronkarekin. Lehen erronka bihar, asteartez, Eldenseren kontrako Errege Kopako partida irabaztea dela esan du.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.