Osasuna jaitsiera postuetatik gertuago Sevillan galdu eta gero (1-0)
Osasunak 1-0 galdu du Sevillaren aurka Ramon Sanchez-Pizjuan estadioan jokatu duen partida, eta EA Sports Ligako sailkapeneko zulora bidean dago, azken 5 partidetako 4 galdu baititu.
Iruñeko taldeak garaipena behar zuen bolada txarrari amaiera emateko, baina baita Sevillak ere, 3 partida jarraian zeramatzalako garaipenik lortu gabe. Horregatik, agian, lehen zatia txarra izan da. Jokalariek falta asko egin dituzte, eta ez da gol aukerarik egon.
Atsedenaldiaren ostean, Osasuna bizitasunik gabe sartu da zelaian, eta larrutik ordaindu du. Bigarren zatiaren hasieran, epaileak Sevillaren aldeko penaltia adierazi du, jokaldia VARean berrikusi ondoren. Ruben Vargasek jaurti, eta 1-0ekoa jarri du markagailuan.
Asko kostatu bazaio ere, Osasuna suspertu egin da azkenean, eta Raul Garciak alferrik galdu du markagailua berdintzeko aukera on bat.
Adamsek Sevillaren bigarrena sartu du, baina epaileak baliorik gabe utzi du, jokoz kanpo zegoelako. Sergio Herrerak ere geldiketa erabakigarriak egin ditu, eta Osasuna azkeneraino saiatu da berdinketaren gola sartzen, baina ez du lortu, Matias Almeidaren taldeak ondo eutsi baitio.
Horrenbestez, Alessio Lisciren taldeak galdu egin du, burua altxa ezinda segitzen du, eta jaitsiera postuetatik gero eta hurbilago dago.
Zure interesekoa izan daiteke
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Boyomok, Lucas Torrok, Aimar Orozek eta Arguibidek Bartzelonaren aurka jokatu ahalko dute, larunbatean
Osasunako lau jokalariek arazo fisikoak zituztela amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira, Camp Noun jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.
Lisci kritiko agertu da bere taldearekin, garaipena eta sailkapena lortu arren
"Geldikako jokaldietan askoz kontzentratuago egon behar gara, partida berriro irekitzen utzi dugu baloi geldian eta bigarren jokaldietan. Ez nago pozik abantailaren kudeaketarekin, noski", azpimarrtu du gorritxoen entrenatzaileak Ebrori irabazi ondoren.
Errege Kopako Ebro vs Osasuna kanporaketako laburpena eta golak (3-5)
Osasunak Ebro kanporatu du, txapelketako bigarren kanporaketan, eta final zortzirenetarako sailkatu da. Raul Garcia de Harok bi gol sartu ditu, eta Moi Gomezek, Sheraldo Beckerrek eta Victor Muñozek, bana.
Osasunak Ebro menderatu du (3-5), kanporaketa bizi-bizian, eta Errege Kopako final hamaseirenetan da
Aragoiko taldeak hartu du aurrea, lehen zatiko azken jokaldian, baina, bigarren zatian, Osasunak, Raul Garciak sartutako bi golen eta Moi Gomezek, Beckerrek eta Victor Muñozek ere sartutako hiruren bidez, garaipena eskuratu du.
Kamerunek Enzo Boyomo deitu du Afrikako Kopa jokatzeko
Horrela, Osasunak ez du Boyomo eskuragarri izanen gutxienez Alavesen aurkako partidan, abenduaren 20an. Afrikako Kopa Marokon jokatuko da abenduaren 21etik urtarrilaren 18ra arte.