Raul Garciak eman dio garaipena Osasunari luzapenean Rayoren aurka (1-0)
Osasunak azken unean irabazi du ostiral honetan Rayo Vallecanoren aurka Sadarren jokatu duen EA Sports Ligako 17. jardunaldiko lehen partida, 1-0. Partida oso parekatua izan da, eta bi taldeek hainbat abagune izan dituzte, baina azkenean gorritxoek egin dute garaipenaren gola Raul Garciaren eskutik.
Rayok eman du lehen abisua, Lejeunek 10. minutuan jaurtitako falta batekin. Jaurtiketa ate barrura zihoan, baina Herrerak esku salbatzailea atera du baloia zutoinera desbideratzeko.
Gorritxoak erasora jotzen saiatu dira alboetatik erdiratuta, baina bisitarien defentsak erremateak eragotzi ditu eta bere zelaian seguru agertu da. Aitzitik, talde madrildarra gero eta gehiago hurbiltzen hasi da eta arrisku aukerak sortu ditu Osasunaren arean.
Aldageletatik bueltan, Osasunak gora egin du. Ruben Peñak area txikian bilatu ditu Aimar eta Budimir, baina defentsak kornerrera bidali du baloia. Apur bat geroago, Sergio Herrerak berriro gelditu du bisitariek aurrez aurre egindako erremate bat.
David Garcia eta Budimir saiatu dira markagailua irekitzen, buruz, baina bietako batek ere ez du berdinketa haustea lortu. Iker Muñoz lortzear egon da, baina horren erremateak langarekin egin du topo.
Azken minutuan, Moncayolak bere oinetan izan du garaipenaren gola, baina Dimitrievskik geldiketa ikaragarria egin du bere taldea salbatzeko. Eta 95.ean, Raul Garciak korner bat aprobetxatu du bigarren zutoinean buruz errematatuz bere taldeari garaipena emateko (1-0).
Fitxa teknikoa:
1 - Osasuna: Herrera, Areso, David Garcia, Juan Cruz, Peña (Nacho Vidal, 84. min); Aimar (Pablo Ibañez, 84. min), Muñoz, Moi (Moncayola, 69. min); Chimy Avila (Raul Garcia, 84. min), Budimir, Ruben Garcia (Arnaiz, 69. min).
0 - Rayo: Dimitrievski; Balliu, Lejeune, Mumin, Espino; Pathe Ciss (Unai Lopez, 72. min), Valentin, Kike Perez (Nteka, 62. min); Isi (Camello, 88. min), Alvaro Garcia (Bebe, 72. min); De Tomas (De Frutos, 88. min).
Gola: 1-0, 95. min: Raul Garcia de Haro.
Epailea: Iglesias Villanueva. Txartel horia atera die Arnaiz, Raul, Espino, Ciss eta Kike jokalariei.
Zure interesekoa izan daiteke
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)
Sergio Herrera harresi bilakatu da Osasunari puntu bat emateko Elxen aurka (0-0)
Elxek hainbat aukera izan ditu gola sartu eta aurretik jartzeko, baina atezain gorritxoak partida bikaina burutu du aukera bakoitza zapuzteko.
Alessio Lisci: "Ondo gaude eta edozertarako gai garela uste dugu"
Alessio Lisci Osasunako entrenatzaileak prentsaurrekoa eman du ostiral honetan gorritxoek Elxen aurka jokatuko duten partida aztertzeko.
Lisci: "Pozik gaude, baina berdinketa emaitzarik justuena zela uste dut"
Osasunako entrenatzaileak Celtaren aurka lortutako garaipenaz (1-2) hitz egin du Balaidosen jokatutako EA Sports Ligako 23. jardunaldian.
Osasunak hiru puntu eskuratu ditu Balaidosen euripean (1-2)
Euri zaparradek markatutako partidan, Budimirrek aurreratu ditu gorritxoak, baina Borja Iglesiasek berdinketa jarri du penaltiz. Raul Garcia de Harok sartu du garaipenaren gola.
Alessio Lisci: "Konfiantza handiz joan behar dugu"
Alessio Lisci Osasunako entrenatzaileak prentsaurrekoa eman du ostiral honetan Celtaren aurka jokatuko duten LaLigako partida aztertzeko.
Osasunak Sheraldo Beckerrek Mainz 05era joateko lagapena itxi du, derrigorrez erosteko aukerarekin
Futbolariak Bundesligan jarraituko du denboraldi honetan, bi kluben artean itxita geratu den operazio baten ostean.