Osasunak galdu egin du Gironaren aurka (2-4), Sadarren
Osasunak galdu egin du Gironaren aurka (2-4) larunbat honetan, azaroaren 4an, Sadarren jokatutako EA Sports Ligako 12. jardunaldiko partida. Horrenbestez, talde gorritxoak bigarren neurketa jarraian galdu du Ligan.
Gironak hobeto ekin dio neurketari, eta lehen abisua eman du zortzigarren minutuan, baina Yangel Herreraren jaurtiketa kanpora joan da. Gero, 16. minutuan, Kataluniako taldeak gola sartu du; Ivan Martinek jarri du 0-1ekoa markagailuan, Dovbyken pasea jaso ostean, Sergio Herrera atezaina gaindituta.
Ondoren, Osasuna erasokorrago jokatzen hasi da. Hala, 25. minutuan, gorritxoek markagailua parekatu dute: Gazzaniga atezainak Moi Gomezen jaurtiketa desbideratu du, baloia arean solte geratu da, eta Budimirrek ez du barkatu aurkariaren ate aurrean (1-1).
Lehen zatiaren azken txanpan, Osasunak abagune argia izan du, baina Ruben Peñaren errematea kanpora joan da, langa gainetik.
Atsedenaldiaren ostean, Jagoba Arrasatek zuzendutako mutilek bikain ekin diote bigarren zatiari. Gorritxoak erasokor zelairatu dira, eta 55. minutuan saria jaso dute, Budimirren beste gol bati esker (2-1); 30 pase izan dituen jokaldiari amaiera ezin hobea eman dio aurrelari bosniarrak.
Bigarren golak lasaitasuna eman dio Osasunari. Nafarroako taldeak norgehiagoka kontrolpean zuela zirudienean, Dovbykek binakoa markagailuratu du (2-2) 71. minutuan: ukrainarrak Miguel Gutierrezen erdiraketa errematatuta zulatu du gorritxoek babestutako atea.
Binakoa egin eta gero, nagusi izan da Girona. Hala, 80. minutuan, Tsygankovek abantaila eman dio talde bisitariari, 2-3koa sartuta. Dovbykek arean jarri du baloia, eta haren herrikideak ez du barkatu Sergio Herreraren aurrean.
Azken minutuetan, erasora jo du Osasunak berdinketaren bila, baina kostatu egin zaio gol aukera garbiak sortzea. 90. minutuan, Gironak erabakita utzi du partida, Aleix Garciak boleaz sartutako golarekin (2-4).
Azkenean, Osasuna galtzaile atera da etxean, 2-4ko emaitzarekin.
Fitxa teknikoa:
2 – Osasuna: Herrera, Areso, Catena, David García, Mojica; Torró (Moncayola, 89. min); Chimy Avila (Ruben Garcia, 76. min), Aimar (Raul, 83. min), Moi Gomez (Pablo Ibañez, 76. min), Peña (Barja, 83. min); Budimir.
4 – Girona: Gazzaniga: Arnau, Eric, Blind, Miguel; Couto (Tsygankov), Herrera, Aleix Garcia, Ivan Martin (Portu, 85. min), Savio: Dovbyk (Stuani, 85. min).
Golak: Iván Martín 0-1 (16. min), Budimir 1-1 (25. min), Budimir 2-1 (55. min), Dovbyk 2-2 (71. min), Tsygankov 2-3 (80. min), Aleix Garcia 2-4 (90. min).
Epailea: Munuera Montero. Txartel horia atera die Chimy Avila, Catena, Budimir eta Torro Osasunako jokalariei, baita Eric, Arnau, Stuani eta Tsygankov Girona taldeko jokalariei ere.
Zure interesekoa izan daiteke
Boyomo, Lucas Torro, Aimar Oroz eta Arguibide FC Bartzelonaren aurka jokatu ahalko dute, larunbatean
Osasunako lau jokalariak arazo fisikoekin amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira Camp Nouen jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.
Lisci kritiko agertu da bere taldearekin, garaipena eta sailkapena lortu arren
"Geldikako jokaldietan askoz kontzentratuago egon behar gara, partida berriro irekitzen utzi dugu baloi geldian eta bigarren jokaldietan. Ez nago pozik abantailaren kudeaketarekin, noski", azpimarrtu du gorritxoen entrenatzaileak Ebrori irabazi ondoren.
Errege Kopako Ebro vs Osasuna kanporaketako laburpena eta golak (3-5)
Osasunak Ebro kanporatu du, txapelketako bigarren kanporaketan, eta final zortzirenetarako sailkatu da. Raul Garcia de Harok bi gol sartu ditu, eta Moi Gomezek, Sheraldo Beckerrek eta Victor Muñozek, bana.
Osasunak Ebro menderatu du (3-5), kanporaketa bizi-bizian, eta Errege Kopako final hamaseirenetan da
Aragoiko taldeak hartu du aurrea, lehen zatiko azken jokaldian, baina, bigarren zatian, Osasunak, Raul Garciak sartutako bi golen eta Moi Gomezek, Beckerrek eta Victor Muñozek ere sartutako hiruren bidez, garaipena eskuratu du.
Kamerunek Enzo Boyomo deitu du Afrikako Kopa jokatzeko
Horrela, Osasunak ez du Boyomo eskuragarri izanen gutxienez Alavesen aurkako partidan, abenduaren 20an. Afrikako Kopa Marokon jokatuko da abenduaren 21etik urtarrilaren 18ra arte.
Lisci: ''Moncayolak eta Aimar Orozek ez dute Ebroren aurkako neurketa jokatuko, arriskurik ez hartzeko''
Kopako aurkariari buruz, Osasunako entrenatzaileak esan du "talde oso lehiakorra" dela, "oso futbolari onekin". "Oso serio hartu behar dugu, talde fisikoa eta geldikako baloietan ona delako. Ez zaude sekula eroso horrelako taldeen aurka", ohartarazi du.