Osasunak jasoko du 2021eko Nafarroako Urrezko domina
Nafarroako Gobernuak Osasunari aitortu dio 2021eko Nafarroako Urrezko Domina, "nafar guztien gizarte- eta lurralde-kohesiorako egindako ekarpenarengatik". Hala jakinarazi du Javier Remirez Gobernuko bozeramaile eta presidenteordeak Gobernu bileraren ostean emandako prentsaurrekoan.
Remirezek aurreratu duenez, saria Maria Chivite presidenteak emango dio abenduaren 3an, Nafarroaren Egunean, egingo den ekitaldi instituzional nagusian.
Saria emateko dekretuan jasotzen denez, Osasuna "Nafarroan sustraitze sozial handia duen kirol-erakundea da; iaz mendeurrena bete zuena". Dekretuaren testuan azpimarratzen da "Osasuna Nafarroako gizartearentzat kirol-erakunde bat baino zerbait gehiago izan dela eta dela. Sentimendu horrek nafar guztien gizarte- eta lurralde-kohesioari laguntzen dio, aniztasuna eta pluraltasuna ezaugarri dituen Foru Erkidegoan".
Nafarroako Gobernuak azaroaren 10ean ezagutu zituen sariaren epaimahaiak aurkeztutako hiru proposamenak (Aspace, Osasuna eta Juan Miguel Gil Jaurena kirurgialaria), erakundeek edo pertsonek aurkeztutako hainbat hautagaitza jaso ondoren. Areto-futboleko Xota taldeak aurkeztu zuen Osasunaren proposamena, Jose Antonio Arregui presidentearen bitartez.
Nafarroako Urrezko Domina Foru Erkidegoak ematen duen sari gorena da, eta pertsona, erakunde, entitate eta kolektiboek jaso dezakete gizartea hobetzen, balio demokratikoak sendotzen eta Nafarroa kanpoan proiektatzen laguntzen nabarmentzeagatik.
Hartara, 1982az geroztik Foru Komunitatearen sari nagusia jaso duten 37 pertsona edo erakunderen zerrendan sartu da Osasuna.
Zure interesekoa izan daiteke
Lisci: “Osasunari ondo ematen ez zaion aurkaria dugu aurrean"
Osasunako entrenatzaileak Betisen aurka jokatuko duten EA Sports Ligako 31. jardunaldiko partidaz hitz egin du.
Iker Muñozek 2030era arte berritu du kontratua Osasunarekin
Klubak akordioa lortu du futbolariarekin beste hiru urtez gorritxo bezala jarraitzeko.
Sergio Herrera, kritiko bigarren penaltiarekin
Osasunako atezainak Alavesen aurka lortutako berdinketaren ostean hitz egin du (2-2) Mendizorrotzan jokatu den EA Sports Ligako 30. jardunaldiko euskal derbian.
Lisci: “Oso partida ezberdina izango da, aurrekoekin alderatuz"
Osasunako entrenatzaileak EA Sports Ligako 30. jardunaldian Alavesen aurka jokatuko duten euskal derbiari buruz hitz egin du.
Muñoz: "Oso garrantzitsua zen gaur irabaztea"
Iker Muñoz Osasunako jokalariaren adierazpenak, EA Sports Ligako 29. jardunaldiko partidan Gironaren aurka 1-0 irabazi ostean.
Budimirren golak merezitako saria eman dio Osasunari Gironaren aurkako partidan (1-0)
Lisciren mutilek hiru puntu oso garrantzitsu lortu dituzte. Gazzaniga atezainaren geldiketek nafarrek markagailu zabalagoa lortzea saihestu dute.
Lisci: "Denok ehuneko ehuna ematen dugunean, guztiei aurre egiteko gai gara"
Osasunako entrenatzaileak Gironaren aurkako EA Sports Ligako 29. jardunaldiko partidari buruz hitz egin du. Horren arabera, irabazteko joaneko partidan baino partida hobea egin behar dute.
Moncayola: "Argi dago zuzendu egin behar ditugula gauza batzuk"
Jon Moncayola Osasunako jokalariaren adierazpenak, EA Sports Ligako 28. jardunaldiko partidan Realaren aurka 3-1 galdu ostean.
Lisci: "Partida jokatzeko eta egoera iraultzeko gogoak ditugu"
Osasunako entrenatzailea EA Sports Ligako 28. jardunaldian Realaren aurka jokatuko duten partidari buruz aritu da. Horren arabera, urteko gaurik gogorrenak Realaren aurkako partiden ostean izan dira.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.