Osasunak puntu bat atera du Celtaren aurka, Balaidosen
Osasunak bana (1-1) berdindu du Celtaren aurka Balaidosen, Ligako 19. jardunaldiko partida. Ondorioz, gorritxoek 24 punturekin amaitu dute lehen itzulia, sailkapeneko 12. postuan.
Bi taldeek erasokor ekin diote lehiari, baina ez dira abagune argiak sortzeko gai izan hasierako ordu laurdenean. Celtak izan du lehena, 19. minutuan; Sergio Herrera atezainak buruz desbideratu behar izan du baloia area kanpoan, aldaratzea Pione Sisitori heldu zaio, eta honen jaurtiketa kanpora joan da langa gainetik. Bi minutu beranduago, Aidooren errematea, langara. Osasunari ez zaizkio gauzak ondo irten lehen zatian, eta ezinean ibili da. Sergio Herrera atezainak eragotzi du Celtaren gola 29. minutuan, Iago Aspasen jaurtiketari erantzun bikaina emanda. Osasunako atezaina berriro protagonista izan da 40. minutuan, Pione Sistoren jaurtiketa desbideratzea lortu duenean. Osasuna gaizki ibili den arren, atsedenaldira iritsi orduko abagune nabarmena izan du; Ruben Blanco Celtako atezainak baloia urrundu nahi izan du, Ruben Garciari iritsi zaio, eta haren errematea zutoinera joan da.
Bigarren zatiaren hasieran, Iago Aspasek kanpora bota du falta jaurtiketa bat, eta, Ruben Garciak area kanpotik egin duen jaurtiketa ere kanpora joan da. Osasunak 62. minutuan izan du gola sartzeko aukera, baina Chimy Avilaren burukada kanpora joan da, oso gutxigatik. Lau minutu beranduago erantzun du Celtak, Sergio Herrerak desbideratu duen Iago Aspasen jaurtiketa baten bitartez. Talde bakoitzak izan dituen bina abaguneen ostean ezer gutxi gertatzen ari zen neurketan, baina, 75. minutuan, Aidook pase sakona eman dio Santi Minari, Celtako aurrelariak Sergio Herreraren irteera gainditu, eta 1-0ekoa sartu du. Zulo handiegia utzi du talde gorritxoak atzealdean, eta horixe baliatu du Vigoko taldeak.
Golak min egin dio Osasunari, baina gorritxoek berdinketaren bila jo dute. Atzealdean sufritzen aritu da Jagoba Arrasatek zuzentzen duen taldea, eta Celtak bigarren gola sartzeko abagunea izan du 80. minutuan; Rafinhak, ordea, indarge jaurti du Sergio Herreraren eskuetara. Celtak barkatu, eta Osasunak neurketa berdindu du 82. minutuan Chimy Avilak sartu duen golari esker (1-1). Estupiñanek erdiraketa ona egin du ezker hegaletik, eta argentinarrak sare barrura bidali du errematea.
Neurketa berdindu ostean, bi taldeetako bat ere ez da gai izan abagune argirik sortzeko, eta puntu bana lortuta eman diote hasiera urte berriari Celtak eta Osasunak.
Fitxa teknikoa:
1; Celta: Ruben Blanco; Kevin Vazquez, Aidoo, Costas, Olaza; Okay Yokuslu, Beltran; Santi Mina (Toro Fernandez, 87. min), Rafinha (Brais Mendez, 87. min) , Pione Sisto (Juan Hernandez, 69. min); Iago Aspas.
1; CA Osasuna: Sergio Herrera; Jon Moncayola, Aridane, David Garcia, Estupiñan; Darko, Oier (Iñigo Perez, 81. min); Roberto Torres (Juan Villar, 80. min), Adrian (Rober Ibañez, 72. min), Ruben Garcia; Chimy Avila.
Golak: 1-0 Santi Mina, 75. min; 1-1 Chimy Avila, 81. min.
Epailea: Cuadra Fernandez. Txartel horiak atera dizkie Kevin Vazquez, Beltran eta Rafinha Celtako jokalariei, baita Oscar Garcia Junyent Celtako entrenatzaileari, eta, Estupiñan, Darko eta Oier Osasunako futbolariei.
Zure interesekoa izan daiteke
Iker Muñozek 2030era arte berritu du kontratua Osasunarekin
Klubak akordioa lortu du futbolariarekin beste hiru urtez gorritxo bezala jarraitzeko.
Sergio Herrera, kritiko bigarren penaltiarekin
Osasunako atezainak Alavesen aurka lortutako berdinketaren ostean hitz egin du (2-2) Mendizorrotzan jokatu den EA Sports Ligako 30. jardunaldiko euskal derbian.
Lisci: “Oso partida ezberdina izango da, aurrekoekin alderatuz"
Osasunako entrenatzaileak EA Sports Ligako 30. jardunaldian Alavesen aurka jokatuko duten euskal derbiari buruz hitz egin du.
Muñoz: "Oso garrantzitsua zen gaur irabaztea"
Iker Muñoz Osasunako jokalariaren adierazpenak, EA Sports Ligako 29. jardunaldiko partidan Gironaren aurka 1-0 irabazi ostean.
Budimirren golak merezitako saria eman dio Osasunari Gironaren aurkako partidan (1-0)
Lisciren mutilek hiru puntu oso garrantzitsu lortu dituzte. Gazzaniga atezainaren geldiketek nafarrek markagailu zabalagoa lortzea saihestu dute.
Lisci: "Denok ehuneko ehuna ematen dugunean, guztiei aurre egiteko gai gara"
Osasunako entrenatzaileak Gironaren aurkako EA Sports Ligako 29. jardunaldiko partidari buruz hitz egin du. Horren arabera, irabazteko joaneko partidan baino partida hobea egin behar dute.
Moncayola: "Argi dago zuzendu egin behar ditugula gauza batzuk"
Jon Moncayola Osasunako jokalariaren adierazpenak, EA Sports Ligako 28. jardunaldiko partidan Realaren aurka 3-1 galdu ostean.
Lisci: "Partida jokatzeko eta egoera iraultzeko gogoak ditugu"
Osasunako entrenatzailea EA Sports Ligako 28. jardunaldian Realaren aurka jokatuko duten partidari buruz aritu da. Horren arabera, urteko gaurik gogorrenak Realaren aurkako partiden ostean izan dira.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.