Osasuna esku hutsik bueltatu da Granadatik (1-0)
Granadak denboraldi hasiera bikaina egiten ari dela berretsi du ostiral honetan Osasunaren aurka (1-0), LaLigako bederatzigarren jardunaldiari hasiera eman dion partidan.
Lehen zatian, gorritxoek hobeto kontrolatu dute neurketa eta arrisku handiagoz iritsi dira aurkariaren areara, estrategiazko jokaldien bitartez.
Alabaina, Granada unerik okerrenak pairatzen ari zenean, etorri da etxekoen gola, 38. minutuan. Alvaro Vadillok ezin hobeto erdiratu du area barrura falta bat, eta bertan zegoen Domingos Duartek bikain errematatu du baloia.
Atsedenaldiaren ostean, Osasunak aukera argia izan du Roberto Torresen eskutik. Nafarrak zelai erditik egin du jaurtiketa, baina Rui Silva atezaina baloia kornerrera aldentzeko gai izan da doi-doi, langan jo ostean.
Adrian Lopezek ere, zelaira sartu eta berehala, partida berdintzeko abagunea izan du, bigarren zatiak gorritxoek sortu duten aukera bakanetako batean, baina hark ere ezin zuri-gorrien atea zulatu.
Gorritxoak azken unera arte ahalegindu dira, baina ideia larregi azaldu gabe. Gainera, talde nafarrak hamar jokalarirekin amaitu du neurketa, Fran Meridak bi txartel hori ikusi baititu
Horrenbestez, hiru puntuak Granadan geratu dira, eta andaluziarrak bigarren dira sailkapenean.
Fitxa teknikoa:
1 - Granada CF: Rui Silva, Victor Diaz, Domingos Duarte, Martinez, Carlos Neva, Gonalons, Yangel Herrera, Vadillo (Machis, 67. min), Antonio Puertas, Carlos Fernandez (Adrian Ramos, 85. min) eta Soldado (Azeez, 58. min).
0 - Osasuna: Ruben, Nacho Vidal, Roncaglia, Aridane, Estupiñan, Oier (Fran Merida, 61. min).), Moncayola, Roberto Torres, Brasanac (Juan Villar, 77. min).), Brandon (Adrian, 66. min).) eta Chimy Avila.
Gola: 1-0, 38. min: Domingos Duarte.
Epailea: Estrada Fernandez. Txartel gorriak: Fran Merida kaleratu bi txartel hori ikusteagatik (92. min). Txartel horiak: Soldado (Granada); Estupiñan, Brandon, Chimy Avila, Jagoba Arrasate (entrenatzailea), Oier, Aridane eta Moncayola (Osasuna).
Zure interesekoa izan daiteke
Sergio Herrera, kritiko bigarren penaltiarekin
Osasunako atezainak Alavesen aurka lortutako berdinketaren ostean hitz egin du (2-2) Mendizorrotzan jokatu den EA Sports Ligako 30. jardunaldiko euskal derbian.
Lisci: “Oso partida ezberdina izango da, aurrekoekin alderatuz"
Osasunako entrenatzaileak EA Sports Ligako 30. jardunaldian Alavesen aurka jokatuko duten euskal derbiari buruz hitz egin du.
Muñoz: "Oso garrantzitsua zen gaur irabaztea"
Iker Muñoz Osasunako jokalariaren adierazpenak, EA Sports Ligako 29. jardunaldiko partidan Gironaren aurka 1-0 irabazi ostean.
Budimirren golak merezitako saria eman dio Osasunari Gironaren aurkako partidan (1-0)
Lisciren mutilek hiru puntu oso garrantzitsu lortu dituzte. Gazzaniga atezainaren geldiketek nafarrek markagailu zabalagoa lortzea saihestu dute.
Lisci: "Denok ehuneko ehuna ematen dugunean, guztiei aurre egiteko gai gara"
Osasunako entrenatzaileak Gironaren aurkako EA Sports Ligako 29. jardunaldiko partidari buruz hitz egin du. Horren arabera, irabazteko joaneko partidan baino partida hobea egin behar dute.
Moncayola: "Argi dago zuzendu egin behar ditugula gauza batzuk"
Jon Moncayola Osasunako jokalariaren adierazpenak, EA Sports Ligako 28. jardunaldiko partidan Realaren aurka 3-1 galdu ostean.
Lisci: "Partida jokatzeko eta egoera iraultzeko gogoak ditugu"
Osasunako entrenatzailea EA Sports Ligako 28. jardunaldian Realaren aurka jokatuko duten partidari buruz aritu da. Horren arabera, urteko gaurik gogorrenak Realaren aurkako partiden ostean izan dira.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.