Osasunak irabazi egin du liderraren aurka eta lehen bi sailkatuekin berdinduta dago
Osasunak garaipen garrantzitsua lortu du Granada liderraren aurka (1-0), eta berdinketa hirukoitza dago sailkapeneko lehen postuetan, 44na puntu baitituzte Granadak (lider), Malagak (bigarren) eta talde gorritxoak (hirugarren).
Lehen zatia oso parekatua izan da, eta abagune gutxikoa. Hala ere, bi taldeek baloi bakoitza lehiatu dute, azkena izango balitz bezala. Granadak eman du lehen abisua bigarren minutuan, baina Clercek atepetik atera du baloia, gola eragotziz. Osasunaren erantzuna, Roberto Torresen jaurtiketa baten bitartez etorri da. Lehen zatiko 36. minutuan penaltia eskatu du Osasunak, Granadako jokalari batek eskuarekin moztu baitu Vidalen erdiraketa area barruan. Epaileak ez du ezer adierazi, eta, kontraerasoan Adrian Ramosek abagune bikaina izan du, baina ez du asmatu Ruben atezainaren aurrean. Lehen zatiko azken minutuak nahiko eroak izan dira. Ruben Garciaren erremate ona, gelditu egin du Rui Silva atezainak. Unai Garcia talde gorritxoko jokalaria bikain gurutzatu da Quiniren errematea eragozteko, eta Juan Villarrek urrunetik egin duen jaurtiketa bikaina, Rui Silvak desbideratu du.
Erasokor zelairatu da Osasuna bigarren zatian, baina ez du abagune argirik sortu. Kosta egin zaio gol-aukerak sortzea talde gorritxoari, area kanpotik egindako jaurtiketen bitartez arriskua sortzen saiatu den arren.
Granadak ere ez du abagune argirik sortu bigarren zatian. Osasuna sendo mantendu da defentsako lanean, eta aurkariak ezin izan du zulorik aurkitu. Nagusi izan da Osasuna, eta gorritxoen ekinak saria jaso du 78. minutuan Ruben Garciak sartu duen golari esker (1-0). Jokalari gorritxoak gol bikaina sartu du, area kanpotik egindako jaurtiketa ikusgarri baten bitartez.
Azken minutuetan erasora jo du Granadak, berdinketa bilatzeko asmoarekin. Hala ere, Osasuna sendo mantendu da defentsako lanean. Ondo eutsi die aurkariaren ahaleginei, eta hiru puntuak eskuratu ditu.
Fitxa teknikoa:
1 - Osasuna: Ruben Martinez; Nacho Vidal, David Garcia, Unai Garcia, Clerc; Roberto Torres, Oier, Fran Merida (Iñigo Perez, 72. min), Kike Barja (Rober Ibañez, 72. min); Juan Villar eta Ruben Garcia (Luis Perea, 88. min).
0 - Granada: Rui Silva; Victor Diaz, German, Martinez, Quini; Alberto Martin, Jose Antonio (Rodri, 78. min); Vadillo (Pozo, 69. min), Fede Vico, Antonio Puertas (Dani Ojeda, 56. min); Adrian Ramos.
Golak: 1-0, 78. min: Ruben Garcia.
Epailea: Daniel Jeses Trujillo. Txartel horiak atera dizkie Kike Barja, Juan Villar, Roberto Torres, Nacho Vidal, German eta Victor Diaz jokalariei.
Zure interesekoa izan daiteke
Alessio Lisci: "Alavesi nola edo hala irabazi behar diogu"
Osasuna eta Alaves izango dira bihar urteko azken derbiaren protagonistak. Alessio Lisci gorritxoen entrenatzaileak prentsaurrekoan adierazi duenez, biharkoa denboraldiko neurketa garrantzitsuenetarikoa da, eta taldea sasoi onean iristen dela uste du.
Alessio Lisci: "Kopa oso erraza da, zelaira irten arte"
Alessio Liscik Errege Kopako partidan Huescaren aurka lortutako garaipena aztertu du prentsaurrekoan.
Osasunak luzapenean kanporatu du Huesca (2-4), eta Errege Kopako final-zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final-hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldearen entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
“Merkatura joateko dirua daukagu”, adierazi du Braulio Vazquezek
Taldea neguko merkatuko uztan indarberritzeko lanean ari dela baieztatu du Osasunaren kirol zuzendariak, hala ere, onartu du gaur egungo merkatua konplexua dela.
Lisci: "Tokatzen zen partida egin dugu; taldeak partida bikaina egin du, eskatu diedan ia guztia egin dute"
Osasunak 2-0 galdu du Bartzelonaren aurka Spotify Camp Noun. Partidaren ondoren, Alessio Liscik adierazi du taldea ondo aritu dela, akats batzuk tarteko, baina eskatutakoa bete dutela.
Osasunaren harresiak ez dio Bartzelonaren erasoari eutsi (2-0)
Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Boyomok, Lucas Torrok, Aimar Orozek eta Arguibidek Bartzelonaren aurka jokatu ahalko dute, larunbatean
Osasunako lau jokalariek arazo fisikoak zituztela amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira, Camp Noun jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.