Gehiegizko zigorra Osasuna ahularentzat
Osasunak porrota jaso du Zaragozaren aurka Romaredan jokatutako partidan (3-1). Orain arte, aurreneko bost jardunaldietan, puntu bakarra eskuratu du talde gorritxoak.
Etxekoek Osasunak baino hobeto hasi dute partida, eta 3. minutuan markagailua estreinatu dute. Victor Rodriguezek buruz eman dio baloia Postigari eta portugaldarrak behetik gainditu du Andres Fernandez.
Partida minutuek aurrera egin ahala orekatu da, eta Osasunak banakoarena lortu du 29.ean, Armenterosen golari esker. Argentinarrak Jose Mari atzean utzi du, eta Zaragozako atzelarien akatsa baliatuta sarea zulatu du.
38.ean Osasunaren bigarren gola egiteko aukera polita izan du Cejudok, baina baloia gora bidali du. Atsedenaldira heldu aurretik, 45.ean, bere atean sartu du gola Timorrek eta Zaragozak aurrera hartu du berriro ere markagailuan.
Bigarren zatia lehenengoaren antzekoa izan da, orekatua eta gol aukera eskasekin, baina 70. minutuan partida erabaki du Manolo Jimenezen taldeak, penaltiz. Area barnean falta egin dio Raoul Loek Movillari, eta Apoñok ez du hamaika metroetatik kale egin. Osasunak gutxi egin du, baina egindakoa gaizki egin du.
Fitxa teknikoa:
Zaragoza: Roberto; Sapunaru, lvaro, Paredes, Abraham; Jose Mari (Zuculini, 73'), Romaric (Movilla, 61'), Apoño, Victor Rodriguez; Postiga (Aranda, 69') eta Montañes.
Osasuna: Andres Fernandez; Oier Sanjurjo, Arribas, Lolo, Nano (Nino, 68'); Raoul (Annan, 74'), Timor, Cejudo, Armenteros, Sisi (Lamah, 57); Kike Sola.
Golak:
1-0, 4,' Postiga.
1-1, 29', Armenteros.
2-1, 45', Timorrek bere atean.
3-1, 71', Apoñok, penaltiz.
Zure interesekoa izan daiteke
Lisci: “Osasunari ondo ematen ez zaion aurkaria dugu aurrean"
Osasunako entrenatzaileak Betisen aurka jokatuko duten EA Sports Ligako 31. jardunaldiko partidaz hitz egin du.
Iker Muñozek 2030era arte berritu du kontratua Osasunarekin
Klubak akordioa lortu du futbolariarekin beste hiru urtez gorritxo bezala jarraitzeko.
Sergio Herrera, kritiko bigarren penaltiarekin
Osasunako atezainak Alavesen aurka lortutako berdinketaren ostean hitz egin du (2-2) Mendizorrotzan jokatu den EA Sports Ligako 30. jardunaldiko euskal derbian.
Lisci: “Oso partida ezberdina izango da, aurrekoekin alderatuz"
Osasunako entrenatzaileak EA Sports Ligako 30. jardunaldian Alavesen aurka jokatuko duten euskal derbiari buruz hitz egin du.
Muñoz: "Oso garrantzitsua zen gaur irabaztea"
Iker Muñoz Osasunako jokalariaren adierazpenak, EA Sports Ligako 29. jardunaldiko partidan Gironaren aurka 1-0 irabazi ostean.
Budimirren golak merezitako saria eman dio Osasunari Gironaren aurkako partidan (1-0)
Lisciren mutilek hiru puntu oso garrantzitsu lortu dituzte. Gazzaniga atezainaren geldiketek nafarrek markagailu zabalagoa lortzea saihestu dute.
Lisci: "Denok ehuneko ehuna ematen dugunean, guztiei aurre egiteko gai gara"
Osasunako entrenatzaileak Gironaren aurkako EA Sports Ligako 29. jardunaldiko partidari buruz hitz egin du. Horren arabera, irabazteko joaneko partidan baino partida hobea egin behar dute.
Moncayola: "Argi dago zuzendu egin behar ditugula gauza batzuk"
Jon Moncayola Osasunako jokalariaren adierazpenak, EA Sports Ligako 28. jardunaldiko partidan Realaren aurka 3-1 galdu ostean.
Lisci: "Partida jokatzeko eta egoera iraultzeko gogoak ditugu"
Osasunako entrenatzailea EA Sports Ligako 28. jardunaldian Realaren aurka jokatuko duten partidari buruz aritu da. Horren arabera, urteko gaurik gogorrenak Realaren aurkako partiden ostean izan dira.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.