Eibar galtzaile atera da Bernabeutik, atsedenaldian 0-1 aurreratu arren
Karim Benzemak buruarekin sartutako bi golek sari gabe utzi dute Eibar Santiago Bernabeura egin duen bisitan. Madrildarrek emaitza irauli eta 2 eta 1 gailendu dira, lehen zati negargarria egin ostean, bere zaleen txistuen artean. Bigarren zatian hobetu egin dute, eta horri esker hiru puntuak Madrilen geratu dira.
Isco eta Asensio izan dira arrisku gehien sortu dutenak, baina Eibar gehiago izan da neurketako minutu askotan.
Varanen hutsak ondo baliatu dituzte jokalari gipuzkoarrek eta, horietako bat aprobetxatuta, Cucurellak pasea eman dio Sergio Enrichi eta Balear irletako jokalariak ez du gutxigatik gola egin. Marc Cardonak, aldiz ez du bere aukera alferrik galdu eta Eibar aurretik jarri du markagailuan 38. minutuan.
Zidanek atsedenaldian esandako hitzek bere jokalariak esnatu ditu. Horrela, bigarren zatian hobeto aritu dira, eta lehen minutuetan arriskua sortu dute Dmitrovicen area inguruan.
53. minutuan gauzak okertzen hasi dira Eibarrentzat. Ramisek min hartu du jokaldi batean eta Mendilibarrek aldaketak egin behar izan ditu bere sisteman. Sergio Alvarezek bere posizioa atzeratu du eta hortxe arazoak hasi dira.
Hortik gutxira Benzemak gola egin du, baina epaileak baliorik gabe utzi du jokoz kanpoko posizioagatik. Frantziarraren bigarrena, ordea, bai, markagailura igo da, Asensioren erdiraketa buruarekin errematatuz.
22 minutu geroago, Real Madrilen bigarrena iritsi da. Benzemak egin du, korner baten ostean, Kroosen pase bikaina aprobetxatuz.
Hirugarrena sartzear ere izan da Benzema, Eibar bere golaren bila atera denean, baina Dmitrovicek erantzuk ona eman dio. Ez da gol gehiagorik izan Santiago Bernabeun.
Fitxa teknikoa
2 - Real Madril: Keylor Navas; Odriozola, Varane, Nacho, Reguilón; Fede Valverde, Modric (Kroos, 77. min), Isco (Brahim, 91. min); Marco Asensio, Bale (Lucas Vázquez, 77. min) eta Benzema.
1 - Eibar: Dmitrovic; De Blasis, Ramis (Orellana, 54. min), Oliveira, Cote; Escalante, Sergio Álvarez, Jordán, Cardona (Peña, 72. min), Cucurella (Charles, 84. min); eta Sergi Enrich.
Golak: 0-1, 39. min: Cardona. 1-1, 59. min: Benzema. 2-1, 81. min: Benzema.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.