Eibarrek porrota jaso du Bartzelonaren aurka
Eibarrek porrota jaso du Bartzelonaren aurka (3-0) Camp Noun, Ligako 19. jardunaldiko partida. Ondorioz, talde armaginak 22 punturekin itxi du lehen itzulia, eta jaitsiera postuetatik 3 puntura dago.
Ondo ekin dio neurketari Eibarrek. Armaginak gogotsu eta bizi zelairatu dira, eta Bartzelona ezinean ibili da lehen minutuetan. Hala ere, Eibar ez da gai izan abagune argiak sortzeko, eta Barçak aurrea hartu du 19. minutuan, Luis Suarezek sartutako golari esker (1-0). Uruguaiko jokalariak eta Coutinhok jokaldi ona egin, eta aurretik jarri dute taldea. Ondoren, Bartzelonak abagune bakarra sortu du. Eibarrek ekinean jarraitu du, baina aukerak sortzea asko kosta zaio. Sergi Enrich berdinketa lortzetik gertu egon da atsedenaldia baino lehen, baina bere errematea kanpora joan da gutxigatik.
Bigarren zatiaren hasieran, 53. minutuan, Bartzelonak bigarren gola sartu du; Arbillak baloia galdu du, Coutinhok eta Luis Suarezek jokaldi ona egin dute, eta Messik 2-0ekoa sartu du. Argentinarrak bere 400. gola sartu du Ligan.
Barçaren bigarren golak min egin dio Eibarri eta talde armagina behera etorri da. Kataluniako taldeak ez du joko ona egin, baina bi goleko abantailarekin eroso jokatu du. Gainera, neurketa guztiz erabakita utzi du, 59. minutuan Luis Suarezek sartu duen golarekin (3-0). Azken txanpan, armaginak saiatu dira emaitza txukuntzen, abaguneren bat edo beste izan dute, baina ez dute Ter Stegen atezaina gainditzea lortu.
Fitxa teknikoa:
3 - Bartzelona: Ter Stegen; Sergi Roberto (Semedo, 83. min) , Pique, Lenglet, Jordi Alba; Sergio Busquets (Vidal, 66. min), Rakitic, Arthur (Dembele, 72. min); Coutinho, Messi eta Luis Suarez.
0 - Eibar: Riesgo; Peña, Arbilla, Bigas, Cote; Escalante (Kike Garcia, 77. min), Diop, Orellana, Cucurella (De Blasis, 64. min); Jordan eta Sergi Enrich (Marc Cardona, 83. min).
Golak: 1-0: Luis Suarez, 19. min. 2-0: Messi, 53. min. 3-0: Luis Suarez, 59. min.
Epailea: Gil Manzano. Txartel horiak atera dizkie Sergi Enrich (42. min), Luis Suarez (44. min) eta Pique (70. min) jokalariei.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.