Ipurua estadioa birmoldatzeko milioi bat euro emango ditu Eusko Jaurlaritzak
Eibarko Ipurua futbol-zelaia birmoldatzeko lanetarako milioi bat euro emango ditu Eusko Jaurlaritzako Kultura eta Hizkuntza Politika Sailak.
Bingen Zupiria Kultura eta Hizkuntza Politikako sailburuak gaur bisitatu ditu, Eibar Kirol Elkarteko presidente Amaia Gorostizarekin batera, Ipurua estadioa birmoldatzeko lanak, eta lan horiek finantzatzeko Eusko Jaurlaritzak milioi bat euro emango dituela iragarri du. Zupiria sailburuak adierazi duenez, Ipurua kirol-zentro “moderno” eta “irisgarriago” bat bilakatzen laguntzea da Jaurlaritzaren asmoa, herritar guztien onurarako izango diren "hainbat zerbitzu" eskainiko baititu.
Zupiria sailburuarekin eta entitateko presidentearekin batera, Jarduera Fisiko eta Kiroleko zuzendari Jon Redondo izan da bisitaldian. Euskadin lehen mailako kirol-azpiegiturak izatearen alde Eusko Jaurlaritzak egindako apustuaren barruan kokatu du inbertsio hau Zupiriak, eta herritarren onurarako emango dituen zerbitzuen garrantzia azpimarratu du. “Eusko Jaurlaritzak Ipurua modernizatzearen aldeko apustua babestu nahi du, eta zaleentzako espazio irisgarriago, erakargarriago bat bilakatu, herritar guztiek etekina atera ahal izango dieten zerbitzuak eskaintzeko gai izango dena.
Iparreko harmaila berritzen hasi zirenetik ekindako lanek aukera emango dute Euskadik lehen mailako beste kirol-espazio bat edukitzeko, kirolik onena eskaintzeko eta Eibar Kirol Elkartearen proiektua sendotzeko aukera emango duen espazioa”, adierazi du.
Formaziorako guneak
Sailburuak azaldu duenez, diru-ekarpen hori bideragarria izateko, Eusko Jaurlaritzak hitzarmen bat sinatuko du estadioaren titular den Eibarko Udalarekin. Hala, hitzarmen horren bitartez 1.000.000 euroko ekarpena egiteko konpromisoa hartuko du. Gainera, Eibarren kokapen estrategikoa kontuan hartuta, Eusko Jaurlaritzaren iritziz interesgarria da Ipuruan kirol-espazioak eta -instalazioak erabilgarri izatea interes orokorreko ekimenak bultzatzeko. Eusko Jaurlaritzak bere konpromiso ekonomikoak osorik bete aurretik, Eibarko Udalak konpromisoa hartzen du erabilera horiek bermatzeko behar izango diren dokumentu publiko edota pribatu guztiak formalizatzeko. Hortaz, konpromisoa hartuko da espazioak (aretoak, bulegoak, lokalak…) Eusko Jaurlaritzaren eta Basque Team Fundazioaren eskueran jartzeko, prestakuntza-funtzioak betetzeko eta bilerak egiteko.
Eusko Jaurlaritzaren inbertsioari esker Ipuruako mendebaldeko harmaila birmoldatzeko lanen zati bat ordainduko da. Ipar eta ekialdeko harmailak berritu ondoren, mendebaldekoa birmoldatzeko lanekin amaituko dira erreforma-beharrak Ipuruan. Klubetik aurreikusten dutenez, lanak 2019-2020 denboraldiaren hasierarako amaituta egon litezke.
Mendebaldeko harmailak lehen soto bat izango du eta parking bat izango du kalearen parean, han izango da partidu egunetarako behar den azpiegitura guztia. Mendebaldeko harmailaren hurrengo solairua izango da jokalari eta teknikarien aparkalekua jasoko duen solairuartekoa; han izango da, baita ere, logistika kontuetarako zonalde bat. Solairu bat gorago gimnasio berria izango. Harmaila berriak hiru sarbide izango ditu, bat Santaines kalean eta beste biak zelai berriaren kale paraleloetan. Eraikin berriak, halaber, bi taberna eta zerbitzu berriak izango ditu. Ipuruan egiten ari den birmoldaketaren ostean, 8.050 lagun sartu ahal izango dira, lanak hasi aurretik baino ia 1.000 gehiago.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.