Gol festa Ipuruan, Eibarrek Madrili irabazten dion historiako lehen norgehiagokan
Eibarrek garaipen historikoa erdietsi du Real Madrili irabazita, izan ere, aurrenekoz gailendu zaio talde madrildarrari historian lehen mailan jokatzen duenetik. Nola eta 3-0ekoa eskuratuz eta joko ikuskizuna eskainiz, gainera. Gol festa nagusitu da, beraz, Ipuruan larunbat honetan (3-0).
Abiadurarekin atera nahi zuten madrildarrek baloia lapurtzean, eta arinegi egin ere, jokoz kanpo jausten baitziren; hala ere, horrek ere ez zuen Eibarren defentsa atzeratzea eragin.
16. minutuan, Eibarrek markagailua estreinatu zuen, VARaren epaiaren zain egon behar izan zuten, ordea, gola behar bezala ospatu ahal izateko. Cucurellaren jokaldia ezin hobe burutu zuen Escalantek.
Solari Madrileko entrenatzaile dagoenetik galtzen zegoen lehen aldia izan da hura eta ikustear zegoen talde madrildarrak nola erantzungo zuen.
Merezitako nagusitasunez iritsi dira armaginak, beraz, atsedenaldira. Madrildarrek, ordea, erreflexio unea zuten aurretik teknika eta kalitatea uztartu eta markagailua nola irauli aztertzeko.
Bigarren zatian
Eibarrek argi zuen atsedenaldiaren osteko lehen minutuetan aurkariaren gainean egon behar zutela, itogarri iristeraino eta erdilariiei gorantz igotzen sahiestea.
Solarik ikusi bezain pornto lehen zatiaren antzera arituko zirela, Isco eta Vinicius martxan jarri zituen, zelaira ateratzeko beroketa lanetan.
Baina, armaginek ez zuten segundo bakar bat ere galdu nahi izan eta bigarren gola iritsi zen Enrichen eskutik; Cucurellak sortutako jokaldia izan delarik honakoa ere.
Zurientzat egoera kaxkartzen zihoala zirudienean, Odriozola lesionatu egin da golaren jokaldian eta Carval zelairatu behar izan da bere ordez, 53. minutuan.
Enrichen golaren ostean, Real Madrilek erreakzionatu egin zuen, baina horren aurrean, Mendilibarrenak ez ziren kikildu, eta segidan, Kike Garciak Cucurellaren beste jokaldi ikusgarri bati amaiera eman zion talde madrildarraren atean baloia gurutzatuz eta armaginen hirugarrena eginez.
Eibarrek ez du gupidarik izan eta azken unera arte beste gol baten bila aritu da; madrildarrak berriz, bazirudien Championsen jarri dutela begirada, larunbat honetan Ipuruan bizitzako amesgaiztoa ahalik eta arinen ahaztu nahiean.
Fitxa teknikoa:
3 - Eibar: Riesgo; Ruben Peña, Oliveira, Ramis, Cote; Orellana (Sergio Alvarez, 82.min), Escalante, Jordan, Cucurella; Enrich (Charles, 73.min), Kike Garcia (De Blassis, 87.min).
0 - Real Madril: Courtois; Odriozola (Carvajal, 53.min), Varane, Ramos, Marcelo; Modric (Isco, 63.min), Kroos, Ceballos; Bale, Benzema, Asensio (Vinicius, 73.min).
Golak: 1-0. 16.min Escalante. 2-0, 51.min, Enrich. 3-0, 55.min: Cucurella.
Epailea: Martinez Munuera.
Zure interesekoa izan daiteke
Eibarrek Valladoliden aurkako partidarako sarrerak oparituko ditu jostailu berrien truke
Talde gipuzkoarrak kanpaina solidario bat martxan jarri du, Gurutze Gorrierekin elkarlanean, kanpainaren helburua, zailtasunak dituzten familiei, joku eta jostailu hezigarri, berri, “ez belikoak” eta “ez sexistak” ematea da.
Eibarrek merituzko puntua lortu du Atleticoren aurka (2-2)
Eibarrek bina berdindu du igande honetan Atletico Madrilen aurka F Moeve Ligako 14. jardunaldiko partida. Carla Andresek eta Emma Morenok aurretik jarri dituzte armaginak, Jensenen golari erantzunez, baina Boe Risak markagailua parekatu du, penaltiz.
Eibarrek puntu gazi-gozoa lortu du Kordoban (0-0)
Talde armaginak berdinketa lortu du Kordobaren aurka etxetik kanpo, baina bosgarren neurketa pilatu du garaipenik lortu gabe, eta, ondorioz, jaitsierako postuetan jarraitzen du.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.
Eibarrek Zaragoza azken sailkatuaren aurka galdu du Ipuruan (1-2)
Armaginak aurreratu dira markagailuan, Peru Nolaskoainek sartutako golari esker, baina Zaragozak emaitza irauli du, 27. minututik jokalari bat gutxiagorekin aritu bada ere.