Levantek partida irauli dio Eibarri, bi minututan (2-1)
Eibarrek porrota jaso du Ciutat de valentzia zelaian, Levanteren aurka jokatutako partidan. Armaginek ez dute neurketa txarra jokatu, baina Jaimeren arean izandako zorigazitoko bi jokaldik garaipena esku-eskura jarri diete Lucas Alcarazen gizonei.
Lehen zati kaskarra jokatu dute bi taldeek. oso futbol gutxi ikusi da berdegunean; eta gol aukera argirik, ez. Levante gogotsu atera da erasora, batez ere eskuineko hegala aprobetxatuta, baina minutuek aurrera egin ahala, armaginek hobera egin dute eta Levanteri neurria hartu diote.
Gauzak horrela, partida orekatua joan da. Capak 13. minutuan egindako jokaldia eta Javi Lara 28.ean egindako jaurtiketa izan dira aukerarik aipagarrienak.
Golak atsedenaldiaren ostean iritsi dira. Eibarrek egin du lehenengoa, 55.ean. Gol ederra, gainera. Del Moralek eta Bovedak jokaldia egin dute eskumatik, baloia arean jarri dute eta Saul Berjonek sekulako bolea jo du, Mariño gaindituz. Gol bikaina, esan bezala; eta oso garrantzitsua.
Bi gol, bi minututan
Baina pozak gutxi iraun du Garitanoren mutilen etxean. 65. minutuan, zorigaiztoko jokaldia izan da Eibarren arean, errebote ugari, eta Barralek ia konturatu gabe sartu du baloia gipuzkoarrenatean.
Burua altxatzeko denborarik gabe, Levantek bigarrena egin du, 67.ean: armaginen defentsak sekulako hutsa egin du, eta Uchek Jaime gainditu du, baloia gurutzatuz.
Eibarrek ez du erreakzionatzeko modurik izan. Are gehiago, etxeko taldeak aukera argia izan du hirugarrena egiteko, baina Jaimek ondo erantzun dio Camarasaren jaurtiketari, 86.ean.
Larunbatean, Bartzelona
Azkenean 2-1, Levanteren alde. Zazpigarren porrota jarraian Eibarrentzat, eta zortzi partida dagoeneko garaipenik lortu gabe. Levante, gainera, aukari zuzena da Lehen Mailan jarraitzeko borrokan. Eta datorren larunbatean, nor eta Bartzelona dator Ipuruara.
Fitxa teknikoa:
2. Levante: Mariño, Morales, Ramis, Navarro, Toño; Camarasa (Jose Mari, 91. min), Simao, Xumetra, Rubén (El Zhar, 60. min); Barral eta Uche (Casadesús, 80. min).
1. Eibar: Jaime, Bóveda, Raúl Navas, Ekiza (Borja, 87. min), Lillo; Dani García, Saúl Berjón, Capa (Piovaccari, 71. min), Manu del Moral, Javi Lara eta Lekic (Arruabarrena, 71. min).
Golak: 0-1, 55. min: Saúl Berjón. 1-1, 65. min: Barral. 2-1, 67. min: Uche.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.