Bosgarren porrota jarraian, Eibarrentzat (1-0)
Eibarrek burua altxa ezinda jarraitzen du eta beste porrot bat hartu du, bosgarrena, oraingoan Vila-realen aurka Madrigalen jokatutako partidan. Armaginek ez dute partida txarra egin, baina Marcelinorenak nagusi izan dira eta merezita irabazi dute.
Lehen ordu erdian Vila-real jaun eta jabe izan da El Madrigaleko berdegunean. Marcelinoren taldea behin eta berriro iritsi da Iruretaren inguruetara, eta arriskua sortu du, armaginak atzean sartuta egon arren. Campbell izan da Eibarren amesgaiztoa.
Etxeko taldeak aukera ugari izan ditu, baina gehienak ez oso argiak, eta, zorionez, ez dute baloia Iruretaren atean sartzen asmatu.
Morenok izan du Vila-realen aukerarik garbiena, 16. minutuan, baina gola egiteko dena alde izan duenean, baloia gora errematatu du.
Atsedenaldirako ordu laurden falta zenean, Eibarrek hobera egin eta Vila-realek bultzada galdu du. Armaginen aukerarik argiena Manu del Moralek izan du, baina oso behartuta iritsi da eta errematea kanpora joan zaio.
Bigarren zatia hasi eta berehala, armaginen defentsak huts ikaragarria egin du eta etxeko taldea gola sartzear izan da, baina Gioren errematea kornerrera joan da.
Talde horiak erasoan jarraitu du, baina lehen zatian erakutsitako freskotasunik gabe.
Viettoren gola
Hala ere, ekinak saria izaten du, eta Marcelinoren taldeak gola egin du 71. minutuan, Iruretaren laguntzarekin. Vietto argentinarra izan da golegilea, zelaira atera ostean ukitu duen lehen baloian.
Handik sei minutura, Eibarko atezainak Moi Gomezek bigarrena egitea saihestu du sekulako geldiketa eginez.
Ezer gutxi gehiago gertatu da El Madrigaleko berdegunean. Eibarrek ez du punturik lortu eta sei partida daramatza garaipenik lortu gabe: berdinketa bat eta sei porrot. Datorren astean derbia dute Athleticen aurka.
Fitxa teknikoa:
1 - Vila-real: Asenjo; Rukavina, Eric Bailly (Musacchio, 67. min), Dorado, Jaume Costa; Campbell (Cheryshev, 68. min), Sergio Marcos, Jonathan dos Santos, Moi Gómez; Giovani eta Gerard (Vietto, 68. min).
0 - Eibar: Irureta; Bóveda, Navas, Añibarro, Ekiza (Dani Nieto, 78. min), Lillo (Didac, 86. min); Capa, Dani García, Javi Lara, Manu del Moral (Lekic, 71. min); eta Arruabarrena.
Gola: 1-0, 71. min: Vietto.
1. min: Vietto.Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.