Athleticek Espanyolen aurka talka egin du, eta urtea porrot batekin bukatu du San Mamesen (1-2)
Berenguerrek zuri-gorriak aurreratu ditu lehen zatian, baina atsedenaldia baino lehen Romerok partida berdindu du. Aldageletatik bueltan, Millak bigarrena egin du, eta lehoiek ez dute erantzuten jakin.
Athleticek galdu egin du San Mamesen (1-2) Espanyolen aurka, 2025eko azken partida ofizialean, nahiz eta Alex Berenguerrek sartutako golari esker aurrea hartu duen hasieran. Carlos Romerok eta Pere Millak markagailua irauli dute.
Berenguerrek 38. minutuan ireki du markagailua Cabrerak atzera botatako baloi bat aprobetxatuz, baina atsedenaldira iritsi aurretik, 43.ean, Romerok partida berdindu du, areaz kanpotik egindako ezkerkada bikain batekin.
52. minutuan Pere Millak Nolanek eskuin hegaletik egindako erdiraketa aprobetxatu du Espanyoli garaipena emateko.
Porrota kolpe latza da Athleticentzat, sailkapeneko zortzigarren tokian geratuko baita, baina gainerako taldeek baino partida bat gehiago jokatuta, urtarril oso exijente baten aurrean. Lehoiek urtarrilean seizpazazpi neurketa jarraian izango dituzte etxetik kanpo, lau lehiaketatan.
Valverdek duen guztia atera du, baita Sancet, Nico, Iñaki eta Berenguer 9 postuan txandakatuz, erasoko laukotea eginda. Guruzeta ez du hasierako hamaikakoan zelairatu, baina bigarren zatian bai.
Markagailuan atzetik ikusi ostean, Athletic Dmitrovicen areara hurbiltzen saiatu da, eta Calerok Jauregizarren jaurtiketa on bat desbideratu du, baina Espanyol ere arriskuarekin iritsi da zuri-gorrien atera, eta 1-3koa bilatu du Cabreraren burukada batean eta Jofrek egindako jaurtiketa gurutzatu batean.
Emaitzarik eman gabe jarraitu dute etxeko taldearen saiakerek, eta Simonek bi aldiz agertu behar izan du Dolan eta Kike Garciaren aurrean, Lekuek emandako pase ustel baten ondorioz.
Guruzetaren eta Sanceten bi burukadek ez dute aterik aurkitu, Dmitrovicek geldiketa egin dio Berenguerren jaurtiketa bati eta Unai Gomezen beste jaurtiketa bat gora joan da azken minutuetan. Hortxe zapuztu dira zuri-gorrien azken itxaropenak. Azken txanpa horretan berdinketa merezi izan du Athleticek.
Fitxa teknikoa:
1 - Athletic: Unai Simon; Gorosabel (Areso, 76. min), Lekue, Paredes, Adama (Unai Gómez, 76. min); Galarreta (Rego, 57. min), Jauregizar; Iñaki Williams (Robert Navarro, 79. min), Sancet, Nico Williams (Guruzeta, 57. min); eta Berenguer.
2 -Espanyol: Dmitrovic; El Hilali, Calero, Cabrera, Romero (Riedel, 83. min); Lozano (Kike García, 72. min), Urko, Edu Expósito (Ruben Sanchez, 83. min); Dolan (Salinas, 83. min), Pere Milla (Jofre, 57. min), Roberto Fernandez.
Golak: 1-0, 38. min: Berenguer. 1-1, 44. min: Romero. 1-2, m.52: Pere Milla.
Epailea: Mateo Busquets (Balear Uharteetako batzordea). Txartel horiak atera dizkie Galarreta (28. min), Nico Williams (33. min), Gorosabel (46+ min), Rego (80. min) eta Lekue Athleticeko jokalariei eta Urko (77. min) eta Riedel (86. min) Espanyolekoei.
EA Sports Ligako 17. jardunaldiko norgehiagoka, San Mamesen, 47.586 ikusleren aurrean. Minutu bateko isilunea egin dute Iñaki Garcia Erguin artista bilbotarraren oroimenez.
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.