Unai Vencedorrek Levanten jokatuko du, Athleticek utzita, 2026ko ekainera arte

Unai Vencedor Athleticeko jokalariak Levanten jokatuko du, utzita, 2026ko ekainaren 30era arte, eta Valentziako klubak ez du erdilaria erosteko aukerarik izango, Bilboko klubak astelehen gauean iragarri duenez.

Vencedor, 24 urtekoa bera, hirugarrenez arituko da utzita; izan ere, azken bi denboraldietan, Eibarren eta Racing Santanderren ibili da. Futbolaria, horrenbestez, EA Sports Ligara bueltatu da.

Athleticek zehaztu du Levanterekin adostutako akordioan islatuta daudela helburu kolektiboen araberako bonusa, eta parte ez hartzeagatik zigor ekonomikoak.