Punteria faltaren ondorioz, Athleticek puntu gazi-gozoa eskuratu du Betisen aurka (1-1)
Athleticek bana berdindu du Betisen aurka igande honetan San Mamesen jokatu duen EA Sports Ligako 13. jardunaldiko partidan. Zuri-gorriek gola egiteko hamaika aukera izan dituzte, baina Berenguer besterik ez da gai izan Fornalsen gola berdintzeko eta zapore gazi-gozoa duen puntu bat eskuratzeko.
Lehoiak hasieratik hasi dira agintzen. Bosgarren minuturako Nico Williamsek zutik jarri ditu zaleak area txikitik errematea eginda. Errematea gora joan zaio, eta jokaldia jokoz kanpoko izan da.
Ordutik gutxira, Sancet izan da gola sartzeko aukera izan duena. Nafarrak hegan egin du Iñaki Williamsen erdiraketa harrapatzeko, baina baloiak zutoinaren kontra jo du. Hiru minutura bigarren aukera bat izan du, berriz ere Williamsek emanda, baina, baloia ia ate barruan zegoela, kanpora bidali du.
Athletic etengabe izan da erasoan, eta 9aren txanda heltzekoa ze. Baloia areatik kanpo jaso eta langa jo duen jaurtiketa egin du. Djalok bat egin du festarekin, erdiraketa on bat bikain errematatuz, baina Silvak gola eragotzi du. Ematen zuen baloiak ez zuela sarera sartu nahi.
Lehen zatiko azken minutuetan behera egin du neurketak hartutako erritmo frenetikoak. Azken aukera Paredesek izan du korner batean, baloia zutoinera bidali du buruz, eta aldagelara merezi gabeko berdinketa batekin joan dira.
Lehen zatiko punteria falta kalte egin die lehoiei; izan ere, Betis indartsu itzuli da bigarren zatian eta kontraeraso bat aprobetxatu du markagailuan aurrea hartzeko, Fornalsen eskutik (0-1).
Athletic jo eta su aritu da partidari buelta emateko, eta aukerak berehala iritsi dira, lehenik Sanceten jaurtiketa batekin eta geroago Vivianenarekin, baina horrela ere ez dira gai izan golari heltzeko.
Valverdek aldaketen palanka aktibatu du, eta horrela iritsi da berdinketa. Berenguer Djaloren ordez sartu da eta, ukitu duen bigarren baloian, De Marcosen erdiraketa gol bihurtu du (1-1).
Hurrengo minutuak joan-etorriz, ate aurreko jaurtiketez eta etengabeko arriskuz betetako jokaldi eroak izan dira, baina Athletic ez da garaipenaren gola egiteko gai izan, eta zapore gazi-gozoa duen puntu batekin konformatu behar izan du.
Fitxa teknikoa:
1 - Athletic: Agirrezabala; De Marcos (Gorosabel, 79. min), Vivian, Paredes, Yuri; Galarreta (Herrera, 69. min), Prados (Unai Gomez, 79. min); Iñaki Williams, Sancet (Marton, 69. min), Nico Williams; eta Djalo (Berenguer, 65. min).
1 - Betis: Rui Silva, Bellerin (Sabaly, 46. min), Bartra (Natan, 88. min), Llorente, Perraud; Fornals, Johnny Cardoso, Altimira (Iker Losada, 46. min), Abde; Chimy (Diao, 46. min), eta Vitor Roque (Bakambu, 72. min).
Golak: 0-1, 52. min: Fornals. 1-1, 68. min: Berenguer.
Epailea: Javier Alberola Rojas.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.