Athletic Txapeldunen Ligatik urrundu da, Atleticoren etxean galduta (3-1)
Athleticek 3 eta 1 galdu du Metropolitanon EA Sports Ligako 33. jardunaldian Atletico Madrilen aurka jokatutako partida. Lehoiek aukera paregabea galdu dute Txapeldunen Ligako lehian aurrerapauso handi bat emateko.
Norgehiagokaren atarian, Atletico Madrilek Raul Garcia omendu du. Atleticoren jokalari ohiak erretiroa hartuko du denboraldiaren amaieran.
Lehen zati ona egin dute zuri-gorriek, eta horren erakusgarri izan da baloiak etxekoen zelaian eman duela denbora gehien. Lehoiek aurkariak baino garaipen gose handiagoa erakutsi dute; hala ere, Simeoneren taldeak hartu du aurrea markagailuan.
Aurretik, 4. minutuan, norgehiagokako lehen abisua bisitariek eman dute, Paredesek areara sartu duen baloi batean, baina Iñaki Williamsen errematea, boleaz, desbideratuta joan da.
Neurketako 14. minutuan, etxeko taldeak gola egin du, zorigaiztoko jokaldi batean. Rodrigo de Paulek jaurtiketa egin du, baloiak Ruiz de Galarretaren gorputzean jo du eta Unai Simonen atean sartu da. Sari potoloegia Atleticorentzat, ordura arte ikusitakoaren arabera.
Berdinketa eskura izan du Athleticek 29. minutuan. Dani Vivianek baloia erdiratu du, eta Guruzetak Sanceti utzi dio, nafarrak jaurtiketa egiteko. Errematea kanpora joan zaio gutxigatik.
Atsedenadiaren atarian, Athleticek ez du hutsik egin. Griezmannek huts egin du baloia atzera pasatu duenean, Iñaki Williamsek kontrolatu, eta kontraerasoa hasi du. Baloia Guruzetari iritsi zaio, horrek Nicori utzi dio arean barruan, eta Williams txikiak 1 eta 1ekoa egin du. Aurreko jokaldi batean, epaileak partida eten behar izan du Nicoren aurkako irainak egin baitituzte harmailetatik.
Bigarren zatia hasi eta minutu gutxira, Atleticok bigarren gola egin du. Kokeren paseak bizkarrez harrapatu ditu Athleticeko bi zentralak, Correak bikain kontrolatu du baloia, eta Unai Simon gainditu du, bere taldea markagailuan berriro aurreratzeko. Bi aukera izan ditu Atleticok, eta bietan zulatu du Athleticen atea.
69. minutuan, Galarreta lesionatuta atera da zelaitik, eta Valverdek Mikel Vesga sartu du haren lekuan. Aurretik, Berenguer, Muniain eta Herrera zelairatu ditu lehoien entrenatzaileak, Sancet, Guruzeta eta Yerayren ordez.
Atleticoren hirugarrena
80. minutuan, zorigaiztoko beste jokaldi batean, etxekoek hirugarren gola egin dute. Samu Linoren jaurtiketak Unai Simonen bizkarrean jo du zutoinean eman ostean, eta baloia bisitarien atean sartu da (3-1).
Athletic behin eta berriro saiatu da bigarren zatian, baina lehoei asko kostatu zaie jokaldiak amaitzea.
Azkenean, 3 eta 1 Athletic galtzaile. Atleticok 6 puntura du orain Athletic, liga amaitzeko 5 jardunaldi (15 puntu) falta direnean.
Fitxa teknikoa
3 - Atletico Madril: Oblak; Molina (Riquelme, 66. min), Witsel, Gimenez, Hermoso, Lino; Correa (Barrios, 78. min), De Paul (Azpilicueta, 82. min), Koke, Llorente (Saul, 82. min); Griezmann.
1 - Athletic: Unai Simon; Yeray (Ander Herrera, 66. min), Vivian, Paredes, Lekue; Beñat Prados, Galarreta (Vesga, 68. min); Iñaki Williams (Raul Garcia, 81. min), Sancet (Berenguer, 66. min), Nico Williams; Guruzeta (Muniain, 66. min).
Golak: 1-0, 14. min: De Paul. 1-1, 45. min: Nico Williams. 2-1, 52. min: Correa. 3-1, 80. min: Unai Simon, bere atean.
Epailea: Martinez Munuera (Valentziako Batzordekoa). Txartel horia atera die De Paul (4. min), Witsel (92. min) eta Griezmann (93. min) Atletico Madrileko jokalariei, eta Sancet (60. min) eta Paredes (70. min) Athleticeko jokalariei.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.