Athleticek bolada onean jarraitzen du eta Sevilla menderatu du (0-2)
Athleticek garaipena lortu du ostegun honetan Sanchez Pizjuanen, Sevillaren aurka jokatutako EA Sports Ligako 19. jardunaldiko partidan (0-2). Lehoiek partida bikaina egin dute, denbora gehienean nagusi izan dira, eta hiru puntuak eskuratu dituzte Vesga eta Paredesen golei esker.
Athleticek oso ondo hasi du partida, abagunez betetako lehen zatiarekin. Berenguer birritan saiatu da urrutitik, arriskurik sortu gabe. Guruzetak eta Nicok ere proban jarri dute Dmitrovic, baina ez dute baloia sarera bidaltzeko modurik aurkitu.
Athleticek lehen zatian izan duen aukerarik argiena 24. minutuan iritsi da. Berenguerrek gidatu du baloia, defentsen artetik lasterka, eta, azken unean, Nicori utzi dio jaurtiketa egin zezan, baina kanpora bota du.
Partida hasi eta ordu erdira iritsi da Athleticen gola Mikel Vesgaren eskutik. Buruz bikain errematatu du Ruiz de Galarretaren erdiraketa euskaldunak aurretik jartzeko (0-1).
Golaren ostean, euskaldunek gehiago nahi izan dute eta presioa goian egiten eta aurkariaren area zelatan jarraitu dute.
Bigarren zatiko lehen minutua ere ez da pasa Athleticek beste gol bat barkatu duenean. Lehenbizi Nicok langara jaurti du baloia, eta ondoren Sanceten aldaratzeak atzelariarekin egin du topo.
Ordu erdi falta zenean Sevilla presio handiagoa egiten hasi da eta bizkaitarrei defentsan aplikatzea egokitu zaie. Unai Simonek geldiketa bikoitza egin behar izan du berdinketa saihesteko.
Baina 76. minutuan Paredes aurkariaren defentsaren artean sartu da, lasaitasunaren gola sartu eta Athleticen garaipena ixteko (0-2).
Fitxa teknikoa:
0 - Sevilla: Dmitrovic; Juanlu (Januzaj, 64. min), Bade (Nianzou, 64. min), Sergio Ramos, Kike Salas, Pedrosa (Marcao, 80. min); Gudelj (Rakitic, 41. min), Sow (Oliver Torres, 64. min), Suso; Ocampos eta Rafa Mir.
2 - Athletic Club: Unai Simon; Lekue, Vivian, Paredes, Yuri; Galarreta (Herrera, 68. min), Vesga (Unai Gomez, 74. min); Nico Williams (Adu Ares, 80. min), Sancet (Prados, 68. min), Berenguer eta Guruzeta (Raul Garcia, 74. min).
Golak: 0-1, 30. min: Vesga. 0-2, 76. min: Paredes.
Epailea: Sanchez Martinez. Txartel horia atera die Sow, Rakitic, Marcao eta Raul Garcia jokalariei.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.