Azken minutuko penalti baten ondorioz, Athleticek porrota jaso du Sevillaren aurka (0-1)
Lucas Ocampos argentinarrak 92. minutuan penaltiz sartutako golak garaipena eman dio ostegun honetan Sevillari Athletic Cluben aurka (0-1); horrela, bilbotarrak gelditu egin ditu Europako postuak lortzeko lehian.
Ocamposek Yeray Alvarezek egindako penaltia sartu du, 92. minutuan, erdiko atzelari zuri-gorriari Unai Simonek bidalitako baloi konprometitu batek ihes egin ostean.
Espero bezala hasi da norgehiagoka, trenen arteko talka bat bezala bi talde biziren artean eta aurkariaren zelaian agintzeko asmoarekin.
Athleticek hartu du ekimena, eta bi gol sartu ditu 8. eta 16. minutuetan, Nico Williamsek lehena eta Guruzetak bigarrena, baina VAR sistema baliatuta, baliogabetu egin dituzte, jokoz kanpo zeudelako.
Bi taldeen arteko partidaren aukera nagusiak izan dira. Partida berdinduz joan da, aukerarik gabe, baina Athletic nagusi zela, lehen zatiko azken minutuetan Athleticek Yuriren eta Guruzetaren bi erdiraketa on egin dituen arte, ezerezean geratu direnak.
Aldageletatik itzuli direnean, Nicok bi jokaldi egin ditu etxekoen erasoko ezker hegaletik, eta kornerrean bukatu dira.
Mendilibarrek aulkia mugitu du, jokoaren norabidea aldatzen saiatzeko, eta hiru aldaketa egin ditu. Entrenatzaile bizkaitarrari emaitza eman dio, mugimenduaren osteko lehen aukera bere taldearena izan baita.
Athleticek Williams anaien arteko jokaldi batekin erantzun dio, txikiak angelurik gabeko errematea egin dio erdiraketa handienari, baina norgehiagoka etxekoen area aldera okertzen hasi da.
Unai Simonek ere ez du bere burua arrisku handiegian ikusi, Yerayri emandako pase konprometitu batean berak bakarrik sortu duena izan ezik. Yerayk irrist egin du lehenik, eta, ondoren, penaltia egin du, Ocampos lurrera botata. Argentinarrak hamaika metroko puntutik egin du partidako gol bakarra.
Fitxa teknikoa
0 - Athletic: Unai Simon; De Marcos, Vivian, Yeray, Yuri; Dani Garcia, Herrera (Vencedor, 81. min); Iñaki Williams (Raul Garcia, 81. min), Sancet, Nico Williams (Adu Ares, 89. min); eta Guruzeta (Berenguer, 66. min).
1 - Sevilla: Dmitrovic; Jesus Navas (Montiel, 55. min), Bade, Gudelj, Acuña (Alex Telles, 83. min); Fernando, Rakitic (Pape Gueye, 55. min); Ocampos, Suso (Papu Gomez, 55. min), Lamela (Bryan Gil, 46. min); eta En-Nesyri.
Gola: 0-1, 92. min: Ocampos, penaltiz.
Epailea: Alejandro Hernandez Hernandez. Txartel horia atera die Sancet, Yeray, Raul Garcia, Lamela, Acuña eta Ocampos jokalariei.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.