Jon Uriarte, Athleticeko presidente berria
Jon Uriarte da Athleticeko presidente berria, ostiral honetan San Mamesen egindako hauteskundeak aise irabazita. Uriarteren hautagaitzak bazkideek emandako botoen % 46 jaso ditu; Iñaki Arechabaletak % 33 izan ditu bere alde, eta Ricardo Barkalak, aldiz, % 18. Ondorioz, Ernesto Valverde izango da Athleticeko gizonezkoen lehen taldeko entrenatzailea. Parte-hartzea % 56koa izan da, 2018an baino nabarmen altuagoa.
Athleticeko hauteskundeetan, hautetsontzietan inoiz baino boto gehiago eman dituzte bazkideek; izan ere, 22.689 bazkidek eman dute botoa, eta hori marka da Athleticek historian egindako hamar hauteskundeetan. 2011ko hauteskundeetan, Josu Urrutia Fernando Garcia Macuari gailendu zitzaionean, 21.009 bazkidek eman zuten botoa; hori bai, oraingo parte-hartzea % 56,36koa izan da, eta 2011n, berriz, % 65,49koa, inoizko altuena.
Aurreko bi presidenteak bezala, alegia, Aitor Elizegik eta Josu Urrutiak ere egiten zutenez, Jon Uriarte euskaraz aritzen da komunikabideekin eta zaleekin.
Azken hauteskundeei erreparatuta (2018an egin zituzten), Aitor Elizegi garaitu zenean, botoen kopurua eta parte-hartzea baxuagoak izan ziren. Duela hiru urte eta erdi, 19.060 boto jaso zituzten, eta parte-hartzea % 46,77koa izan zen.
Lehen aldiz egin dituzte hauteskundeak San Mamesen; azken zazpiak Ibaiganen egin dituzte, klubaren egoitzan. Hiru hautagaiek nabarmendu dute erabakia egokia izan dela, eta azpimarratu egin dute eguna oso ondo antolatua izan dena; 40.257 bazkidek zuten aukera botoa emateko.
Lanean ari gara informazioa osatzeko…
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.