Athleticek puntu bat lortu du Getaferen aurka
Athleticek bana (1-1) berdindu du Getaferen aurka jokatu duen Ligako bigarren jardunaldiko partida. Coliseum Alfonso Perez zelaian lortutako puntuari esker, talde zuri-gorriak lau puntu ditu jada.
Partidari oso ondo ekin dio Athleticek eta bosgarren minutuan gola sartu du Raul Garciaren bitartez (0-1). Pozak, ordea, ez dio asko iraun talde zuri-gorriari, Matak lehia berdindu baitu (1-1) 11. minutuan. Getaferen golak min egin dio talde bizkaitarrari, eta Getafe nagusi izan da, abagune argirik sortu ez duen arren. Lehen zatiaren azken txanpan suspertu da Athletic. Zuri-gorriek ez dute aukera argirik izan, baina Mateu Lahoz epaileak ez du Athleticen aldeko penalti bat adierazi, area barruan baloiak Cabreraren eskuan jo ostean. Gainera, atsedenaldiaren aurretik, De Marcosek zelaia utzi du min hartuta, eta Larrazabal sartu da haren ordez.
Bigarren zatian, bi taldeetako batek ere ez ditu sortu gola sartzeko aukera argiak. Defentsako lan bikaina egin dute Getafek eta Athleticek, eta neurketa bana berdinduta amaitu da.
Fitxa teknikoa:
1 - Getafe: David Soria; Damian Suarez, Djene, Cabrera, Raul Carnero (Nyom, 65. min); Fajr (Portillo, 76. min), Maksimovic (Bergara, 40. min), Arambarri, Cucurella; Enric Gallego eta Mata.
1 - Athletic Club: Unai Simon; Capa, Nuñez, Yeray, Yuri; Beñat (Aduriz, 73. min), Dani Garcia; De Marcos (Larra, 45. min), Raul Garcia, Muniain (San Jose, 89. min); eta Williams.
Golak: 0-1: 5. min, Raul Garcia; 1-1: 11. min, Mata.
Epailea: Mateu Lahoz. Txartel horiak atera dizkie Damian Suarez (64. min) eta Bergara (84. min) Getafeko jokalariei, baita Capa (4. min) Athleticeko futbolariari ere.
Zure interesekoa izan daiteke
Guruzeta: “Ezin dugu horrelako lehen zatia jokatu"
Athleticeko jokalariak Vila-realen aurka San Mamesen jasotako porrotari buruz hitz egin du (1-2) EA Sports Ligako 31. jardunaldian.
Athleticek gogotik ordaindu ditu bere akatsak Vila-realen aurka (1-2)
Zuri-gorriak ez dira gai izan lehen zatian jasotako bi buelta emateko golei eta, Guruzetak aldea murriztu arren, galdu egin dute.
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europan jokatzeko txartela ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.