Athleticek bizirik jarraitzen du oraindik Europan Adurizen gol bati esker
Athleticek bizirik jarraitzen du Europan, San Mamesen Ostersund talde suediarrari irabazi ostean Aritz Adurizen gol bati esker. Lehoiek partida txukuna egin dute, baina erritmo aldetik nahiko motel aritu dira.
Kuko Zigandaren jokalariei izugarri kostatu zaie Ostersund menderatzea, nahiz eta garaipena merezitakoa izan. Jokoa kontrolpean izan dute, Keitaren areara sarritan iritsi dira (16 korner atera dituzte) baina gutxitan sortu dute arriskua.
Garaipenaren gola 70. minutuan egin dute bilbotarrek. Raúl Garciaren erremateak langa jo du, Williamsek Lekueren baloia errematatzerakoan huts egin ostean, baloia Adurizi iritsi zaio, eta honek, buruz, suediarren atearen barruan sartu du.
Aurrelari donostiarrak Athleticekin Europan egiten duen 24. gola izan da, eta aurtengo denboraldiko bederatzigarrena; horietariko bost, Europan.
Emaitza horri esker, Athleticek C multzoko hirugarren postuan jarraitzen du, bost punturekin. Liderra, Ostersund, bi puntura dauka, eta bigarrena, Zorya, puntu bakar batera. Ukrainarrek galdu egin dute Hertha Berlinen aurka, eta Alemaniako taldea azkena da multzo horren sailkapenean, 4 punturekin.
Fitxa teknikoa
1 - Athletic: Iago Herrerín; Lekue, Unai Núñez, Laporte, Balenziaga; Iturraspe, San José (Susaeta, 62. min); Williams (Mikel Rico, 72. min), Raúl García (Aketxe, 88. min), Córdoba; eta Aduriz.
0 - Östersund: Keita; Mukiibi, Papagiannopoulos, Pettersson; Edwards, Bachirou, Nouri (Aiesh, 79. min), Widgren (Somi, 79. min); Sema, Gero (Hopcutt, 74. min) eta Ghoddos.
Golak: 1-0, 70. min: Aduriz.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.