Athleticek abonua atera du Bartzelonaren eta Madrilen aurkako partidetarako
Athleticek 'klubeko egun erdi' gisa izendatu ditu Bartzelonaren eta Real Madrilen aurkako norgehiagokak, eta, horrenbestez, bazkideek ere ordaindu beharreko partidak izango dira bata zein bestea. Katalanen kontrako lehia hile honetako 28an jokatuko da; madrildarren aurkakoa, berriz, abenduaren 2an edo 3an, oraindik ez baitago egun zehatza zehaztuta, ezta ordua ere.
Hartara, Athleticeko zuzendaritzak abonu berezi bat atera du partida bi horiei begira, eta abonu horrek "partida bakoitzaren prezioarekin alderatuz merkeagoa izateaz gainera, bazkide txartela bakoitzari dagokion jesarlekuan egoteko bermea eskainiko du".
Talde zuri-gorriak "partida bakoitzeko banako sarrera erosteko txartela aktibatzeko aukera" ere eskaintzen die bere bazkideei.
Horrela, norgehiagoka bakoitzerako prezioak 12 euro (Animazioko gunea) eta 35 euro (Harmaila nagusia) bitartekoak diren artean, abonu horrek 18 euro eta 52,5 euro bitartean balioko ditu aipatu gune horietan.
Publikoarentzako sarrerek, ostera, 30 eta 140 euro arteko prezioa izango dute partida bakoitzerako, eta 45 eta 210 euro bitartekoa bi partidetarako abonuak.
Aipatu abonua internet bidez ateratzeko epea urriaren 17an (asteartea) hasiko da 10:30etatik aurrera, eta urriak 23ko (astelehena) 18:30 arte egongo da martxan etengabe.
Aldiz, txarteldegietara hurbiltzea nahiago duten bazkideek urriaren 18, 19, 20 eta 23an egin ahal izango dute, 10:30etatik 13:30era eta17:30etik 20:00etara.
tik 20:00etara.Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.