Porrot lotsagarria hartu du Athleticek San Mamesen (0-1)
Athleticek 0 eta 1 galdu du San Mamesen Zorya Luhansk taldearen aurka, Europa Ligako multzoen faseko bigarren jardunaldian. Neurketa txarra jokatu dute bilbotarrek eta Kharatinek lehen zatian egindako golaren ondorioz galdu dute.
Lehoiek ondo hasi dute partida, erasora jokatuz, eta lehen minutuan Muniainek sekulako aukera izan du, baina bere jaurtiketa langara joan da. Nafarrak beste aukera bat izan du minutu batzuk geroago, Williamsek egindako erdiraketa batean, baina errematatzerakoan ez da batera fin ibili.
Bilbotarrak gehiago izan dira lehen zatian, eta nahiko erraz iritsi dira ukrainarren ate ingurura. Etxeitak ere gola egiteko aukera izan du, baina burukada kanpora joan zaio, desbideratuta.
Athleticen nagusitasuna Zoryaren golarekin amaitu da. Bilbotarrek huts egin dute defentsan ukrainarrek ateratako korner batean eta Kharatinek bakar-bakarrik errematatu du baloia area erdian, neurketa lehen gola egiteko.
Gola kolpe handia izan da Zigandaren jokalarientzat. Taldea blokeatu egin da, eta ez du erreakzionatzeko gaitasunik izan. Zaleen artean ere urduritasuna izan da nagusi, eta txistu batzuk ere entzuk dira San Mamesen, zuri-gorrien joko nahasiaren ondorioz.
Erreakzionatzeko gaitasunik ez
Bigarren zatia lehenengoaren oso antzekoa izan da. Bilbotarrak erasora atera dira lehen minutuetan eta Adurizek eta Raul Garciak banakoa egiteko aukerak izan dituzte.
Aurkaria estutzen saiatu dira, baina ideiarik gabe. Raul Garciak izan du azken aukera argia, azken minutuan, baina errematea kanpora joan zaio. Gauzak horrela, markagailua ez da mugitu eta garaipena ukrainarrek eraman dute, beste munduko ahaleginik egin gabe.
Fitxa teknikoa:
0 - Athletic: Iago Herrerin; Boveda, Etxeita (Iturraspe, 56. m), Laporte, Saborit (Cordoba, 64. m); San Jose, Beñat (Aketxe, 77. m); Williams, Raul Garcia, Muniain; eta Aduriz.
1 - Zorya: Lunin; Opanasenko, Svatok, Grechyshkin, Sukhotskiy; Kharatin; Karavaev, Silas (Gordiyenko, 52. m), Andriyevskiy, Lunov (Checher, 83. m); eta Gromov (Kochergin, 64. m).
Gola: 0-1, 26. m: Kharatin.
Epailea: Halis Ozkahhya (Turkia). Honako jokalari hauei atera die txartel horia: Opanasenko (58. m), Gordiyenko (68. m), Andriyevskiy (81. m) eta Kochergin (91. m).
rgin (91. m).Zure interesekoa izan daiteke
Mikel Jauregizar: "Honek indar asko ematen digu datorrenari aurre egiteko"
Athleticeko jokalaria talde bilbotarrak Levanteren aurka lortutako garaipenaz aritu da. Zuri-gorriak 4 eta 2 gailendu dira San Mamesen, espero baino gehiago sufrituta.
Gehiegi sufrituta garaitu du Athleticek Levante San Mamesen (4-2)
Guruzetak (2), Serranok eta Navarrok sartu dituzte zuri-gorrien golak, baina Levantek, jokalari bat gutxiagorekin, 2 gol sartu ditu.
Athleticek porrot latza jaso du Sevillan (4-0)
Athleticek 4-0 galdu du igande honetan Sevillaren etxean, F Moeve Ligako 19. jardunaldiko partidan. Lehen zatian jarri zaie kontra zuri-gorriei, eta bigarrenean aldaketak egin arren, ez dira markagailua iraultzeko nahikoa izan.
Valverde: "Kopako finalerdian dena irekita dago, eta polita izango da zaleentzat"
Athleticeko entrenatzailearen ustez, "kanporaketa honetan dena irekita dago, eta zaleentzat polita izango da". "Oraintsu jokatu dugu Realaren aurka, eta guretzat partida zaila izan zen. Zaila izango da, tentsioa egongo da. Finalerdia da. Ontzian zegoen edozein aurkari zaila izango zen", adierazi du Valverdek.
Ernesto Valverde: "Hemendik aurrerako neurketa guztiak final moduan hartzen ditut"
Athleticek behar beharrezkoak ditu hiru puntuak Ligan okerrera ez egiteko, jaitsiera postuak hiru puntura baitituzte. Valverdek hemendik aurrerako neurketa guztiak final moduan hartzen ditu.
Nico Serrano: "Finalerdiari aurre egiteko kemena dugu"
Athletic Clubeko jokalariak Errege Kopako finalerdietako kanporaketari buruz hitz egin du, Reala izango dutelarik aurkari.
Iñaki Williams: "Pozik nago Nicok bere lesioan argia ikusten ari dela esan didalako"
Kapitain zuri-gorriak Errege Kopako finalerdietarako txartela eman dio Athletici Mestallan, 96. minutuan gol erabakigarria sartuta. Umar Sadiq nigeriarrak bere atean sartu du gola, eta segidan Padillaren atean beste bat. Dimitrievski Valentziako atezainak Mikel Jauregizarri 75.ean penaltia gelditu dio.
Athletic finalerdietan da hamaikako alternatibo bati eta Williams anaien konexioari esker (1-2)
Lehen zatian, lehoiek aurrea hartu dute markagailuan, Sadiqek bere atean sartutako golari esker. Sadiqek berak partida berdindu du, Padillaren hanka-sartze handi bat aprobetxatuta. Atsedenaldiaren ostean, zuri-gorriek penalti bat huts egin dute, baina Iñaki Williamsen gol batek garaipena eman die 96. minutuan.
Athleticek ez du aukerarik izan Atletico Madrilen aurka (4-1), eta Erregina Kopatik at gelditu da
Amaiur Sarriegik bi gol egin ditu, eta beste bietan azken pasea eman du; Ane Azkonak, luzapenean, Athleticen gola sartu du. Atletico Madril Athletic baino gehiago izan da.
Valverde: "Valentzia ondo ikusten dut; zaila izango da, zaila izango da, baina ez dago ezer esanda, dena idatzi behar da bihar”
Athletic Clubek Errege Kopako final-laurdenak jokatuko ditu Valentziaren aurka, Mestallan. Valverdek argi dauka "aukera bat dela bai eurentzat eta baita guretzat ere", eta taldeak bere onenean ez badaude ere, Valentziakoak ondo ikusten dituela azpimarratu du. (Bideoa gazteleraz)