Athletic bosgarren da berriro, Celtari asko sufrituta irabazi ostean
Sufrimenduak saria izan du San Mamesen, merezitakoa baino gehiago. Partida txarra jokatu du Athleticek Celtaren aurka. Galiziarrek jipoia eman diete bilbotarrei zelaian lehen 45 minutuetan, eta aurretik ere jarri dira Orellanaren golari esker.
Gauzak ez dira ondo hasi lehoientzat. Celta garaipena hasieratik bideratzeko asmoarekin atera da San Mameseko zelaira, eta lehen minutuetan arriskua sortu du Iraizozen arean. Nolitok sortu du arrisku gehien.
Galiziarrak jaun eta jabe izan dira, eta nagusitasun horrek eragina izan du markagailuan norgehiagokako 13. minutuan. Orellanak gola egin du, Athleticen atzelarien moteltasuna aprobetxatuta.
Gauzak aldapan gora jarri dira bilbotarrentzat, 37. minutua iritsi den arte. Momentu horretan, Cabralek Adurizi egindako penalti argia adierazi du, eta aurrelari donostiarrak ez du jaurtiketan hutsik egin. Banakoa egin du, San Mameseko zaleen lasaitasunerako.
Handik bi minutura, epaileak txartel gorria atera dio Cabral argentinarrari, Adurizi eraso egiteagatik. Berizzoren taldea 10 jokalarirekin geratu da. Egoera goitik behera aldatu da, Athleticen alde, bi minututan.
Atsedenaldiaren ostean, Raul Garciak ezustean harrapatu du Sergio atezaina urrutitik egindako jaurtiketa batekin, baina baloia, tamalez, zutoinera joan da.
Raul Garciaren gola
Zelaian jokalari bat gehiagorekin aritu arren, Valverderen taldeak zailtasun handiak izan ditu Celtaren atzeko lerroan min egiteko. Raul Garciak lortu du zuloa egitea, 72. minutuan. Nafarrak lurretik erremate bitxia egin du, Athleticen bigarren gola sartzeko.
Bizkaitarrak nagusi markagailuan, eta baloiaren jabetza izan arren, ezin izan dute azken minutuetako sufrimendua ekidin. Estu eta larri ibili dira, galiziarrak berdinketaren bila gora egin dutenean.
Azkenean, garaipena etxean geratu da. Zuri-gorriak bosgarren postura itzuli dira, Celtaren kalterako, eta denboraldia amaitzeko bi jardunaldi falta direnean.
Fitxa teknikoa:
2 - Athletic: Iraizoz; De Marcos, Bóveda, Etxeita (Iturraspe. 59. min), Balenziaga; San José, Beñat; Susaeta, Raúl García, Muniain (Williams, 59. min); Aduriz (Viguera, 86. min).
1 - Celta: Sergio Álvarez; Hugo Mallo, Cabral, Sergi Gómez, Jonny; Wass (Guidetti, 81. min), Marcelo Díaz (Planas, 68. min), Tucu Hernández; Orellana, Nolito e Iago Aspas (Radoja, 55. min).
Golak: 0-1, 13. min: Orellana. 1-1, 37. min: Aduriz, penaltiz. 2-1, 72. min: Raúl García.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.